«Aqparattyq-óndiristik ortalyǵy» respýblıkalyq memlekettik kásipornyna jańa dırektor taǵaıyndaldy
ASTANA. Qańtardyń 7-si. QazAqparat /Qanat Qulshymanov/ - «Aqparattyq-óndiristik ortalyq» respýblıkalyq memlekettik kásiporny dırektorynyń bos qyzmet ornyna jarııalanǵan konkýrstyń qorytyndysy boıynsha Qaırat Turlyhanov konkýrstyq komıssııa músheleriniń eń kóp daýysyn aldy.
Ádilet mınıstrligi Tirkeý qyzmeti jáne quqyqtyq kómek kórsetý komıtetiniń tóraǵasy Ámirhan Amanbaev ótken jyly jeltoqsannyń 30-ynda Q.Turlyhanovty «Aqparattyq-óndiristik ortalyq» respýblıkalyq memlekettik kásipornynyń dırektory qyzmetine taǵaıyndaý týraly buıryqqa qol qoıdy, dep habarlady komıtettiń baspasóz qyzmetinen.
Qaırat Bolatuly Turlyhanov 1995-1998 jyldary - «Baqty» kedeniniń bastyǵy, 2001-2002 jyldary - Semeı qalasynyń ákimi, 2006 jyldyń maýsym-qarasha aılarynyń aralyǵynda QR Qaýipsizdik keńesi hatshysynyń keńesshisi, al 2007 jyly Kólik jáne kommýnıkatsııa mınıstriniń keńesshisi boldy.
