Aqparattyq-kommýnıkatsııalyq tehnologııalarǵa qatysty biryńǵaı talaptarǵa ózgerister engizildi

***

«Aqparattyq-kommýnıkatsııalyq tehnologııalar jáne aqparattyq qaýipsizdikti qamtamasyz etý salasyndaǵy biryńǵaı talaptardy bekitý týraly» Qazaqstan Respýblıkasy Úkimetiniń 2016 jylǵy 20 jeltoqsandaǵy № 832 qaýlysyna tolyqtyrýlar men ózgerister engizý týraly

Qazaqstan Respýblıkasy Úkimetiniń 2018 jylǵy 18 maýsymdaǵy № 355 qaýlysy

      Qazaqstan Respýblıkasynyń Úkimeti QAÝLY ETEDІ:

      1. "Aqparattyq-kommýnıkatsııalyq tehnologııalar jáne aqparattyq qaýipsizdikti qamtamasyz etý salasyndaǵy biryńǵaı talaptardy bekitý týraly" Qazaqstan Respýblıkasy Úkimetiniń 2016 jylǵy 20 jeltoqsandaǵy № 832 qaýlysyna (Qazaqstan Respýblıkasynyń PÚAJ-y, 2016 j., № 65, 428-qujat) mynadaı tolyqtyrýlar men ózgerister engizilsin:

      kórsetilgen qaýlymen bekitilgen aqparattyq-kommýnıkatsııalyq tehnologııalar jáne aqparattyq qaýipsizdikti qamtamasyz etý salasyndaǵy biryńǵaı talaptarda:

      6-tarmaq mynadaı mazmundaǵy 11-1) jáne 20-1) tarmaqshalarmen tolyqtyrylsyn:

      "11-1) krostyq úı-jaı - qosý, bólý pýnktteri men qurylǵylaryn ornalastyrýǵa arnalǵan telekommýnıkatsııalyq úı-jaı;";

      "20-1) uıymdar - memlekettik zańdy tulǵa, kvazımemlekettik sektor sýbektisi, memlekettik organdardyń aqparattyq júıelerimen ıntegratsııalanatyn nemese memlekettik elektrondyq aqparattyq resýrstardy qalyptastyrýǵa arnalǵan memlekettik emes aqparattyq júıelerdiń ıeleri jáne ıelenýshileri, sondaı-aq aqparattyq-kommýnıkatsııalyq ınfraqurylymnyń asa mańyzdy obektileriniń ıelisi men ıelenýshisi;";

      mynadaı mazmundaǵy 8-1-tarmaqpen tolyqtyrylsyn:

      "8-1. MO arhıtektýrasy týraly málimetter úshinshi tulǵalarǵa bekitilgen AQ saıasatyna sáıkes MO-nyń aqparattyq qaýipsizdik jáne aqparattyq tehnologııalar boıynsha qurylymdyq bólimsheleriniń basshylarymen ne olardy almastyratyn adamdarmen kelisý boıynsha ǵana beriledi.";

      9-tarmaqtyń 1) tarmaqshasy mynadaı redaktsııada jazylsyn:

      "1) MO-nyń bekitilgen arhıtektýrasyna, al ol bolmaǵan jaǵdaıda -aqparattandyrý salasyndaǵy sarapshylyq keńestiń sheshimderine sáıkes aqparattandyrýǵa jáne aqparattyq qaýipsizdikke shyǵyndardy josparlaýdy;";

      mynadaı mazmundaǵy 25-1-tarmaqpen tolyqtyrylsyn:

      "25-1. Syrtqy sheńberdiń lokaldyq jelilerinen ınternetke qoljetimdilikti uıymdastyrǵan kezde mindetti túrde vırýstarǵa qarsy quraldardyń bolýy, ınternet jelisine qosylǵan jumys stantsııalaryndaǵy operatsııalyq júıelerdiń jańartylýy qamtamasyz etiledi.";

      29, 30-tarmaqtar mynadaı redaktsııada jazylsyn:

      "29. MO-da, JAO-da nemese uıymda AQ uıymdastyrý, qamtamasyz etý jáne basqarý kezinde "Aqparattyq tehnologııa. Qaýipsizdikti qamtamasyz etý ádisteri men quraldary. Aqparattyq qaýipsizdikti basqarý quraldary týraly erejeler jıyntyǵy" Qazaqstan Respýblıkasynyń QR ST ISO/MEK 27002-2015 standartynyń erejelerin basshylyqqa alý qajet.

      30. AQ qamtamasyz etý salasyndaǵy jaýapkershiliktiń jáne fýnktsııalardyń arajigin ajyratý maqsatynda aqparattandyrý obektilerin qurý, súıemeldeý jáne damytý máselelerimen aınalysatyn basqa qurylymdyq bólimshelerden oqshaý qurylymdyq bólimshe bolyp tabylatyn AQ bólimshesi qurylady nemese AQ-ny qamtamasyz etýge jaýapty laýazymdy adam belgilenedi.

      AQ jeke qurylymdyq bólimshesin qurý boıynsha osy tarmaqtyń talaptary arnaýly memlekettik organdarǵa qoldanylmaıdy.

      AQ bólimsheleri nemese AQ qamtamasyz etýge jaýapty laýazymdy adam:

      1) AQ TQ talaptarynyń oryndalýyn baqylaýdy;

      2) AQ qujattyq resimdelýin baqylaýdy;

      3) AQ qamtamasyz etý bóliginde aktıvterdiń basqarylýyn baqylaýdy;

      4) BQ paıdalanýdyń zańdylyǵyn baqylaýdy;

      5) AKT salasyndaǵy táýekelderdiń basqarylýyn baqylaýdy;

      6) AQ oqıǵalarynyń tirkelýin baqylaýdy;

      7) AQ ishki aýdıtin júrgizýdi;

      8) AQ syrtqy aýdıtiniń uıymdastyrylýyn baqylaýdy;

      9) AKT paıdalanatyn bıznes-protsester úzdiksizdiginiń qamtamasyz etilýin baqylaýdy;

      10) personaldy basqarý kezinde AQ talaptarynyń saqtalýyn baqylaýdy;

      11) "elektrondyq úkimettiń" aqparattandyrý obektisi AQ-synyń jaı-kúıin baqylaýdy júzege asyrady.";

      31-tarmaqtyń ekinshi bóligi mynadaı redaktsııada jazylsyn:

      "AQ TQ qazaq jáne orys tilderinde ázirlenedi, MO-nyń, JAO-nyń nemese uıymnyń quqyqtyq aktisimen bekitiledi jáne MO, JAO barlyq qyzmetshileriniń nemese uıym qyzmetkerleriniń nazaryna jetkiziledi.";

      35-tarmaq mynadaı redaktsııada jazylsyn:

      "35. Tórtinshi deńgeıdegi qujattar tizbesi oryndalǵan rásimder men jumystardy tirkeý jáne rastaý úshin paıdalanylatyn jumys nysandaryn, jýrnaldardy, ótinimderdi, hattamalardy jáne elektrondyq qujattardy qosa alǵanda, basqa da qujattardy qamtıdy, sonyń ishinde:

      1) AQ ıntsıdentterin tirkeý jáne shtattan tys oqıǵalardy esepke alý jýrnaly;

      2) serverlik úı-jaılarǵa kirý jýrnaly;

      3) jelilik resýrstardyń osaldyqtaryn baǵalaýdy júrgizý týraly esep;

      4) kabeldik qosylýlardy esepke alý jýrnaly;

      5) rezervtik kóshirmelerdi (rezervtik kóshirme, qaıta qalpyna keltirý), rezervtik kóshirmelerdi testileýdi esepke alý jýrnaly;

      6) jabdyq konfıgýratsııasynyń ózgerýin esepke alý, AJ EBQ men QBQ testileý jáne ózgeristerdi esepke alý, BQ osaldyqtaryn tirkeý jáne joıý jýrnaly;

      7) serverlik úı-jaılarǵa arnalǵan dızel-generatorlyq qondyrǵylardy jáne úzdiksiz qýat berý kózderin testileý jýrnaly;

      8) serverlik úı-jaılardyń mıkroklımatyn, beınebaqylaýdy, órt sóndirýdi qamtamasyz etý júıelerin testileý jýrnaly.";

      37-tarmaqtyń 4) tarmaqshasy mynadaı redaktsııada jazylsyn:

      "4) mynalardy:

      QR ST ISO/MEK 27005-2013 "Aqparattyq tehnologııalar. Qaýipsizdikti qamtamasyz etý ádisteri. Aqparattyq qaýipsizdik táýekeli menedjmenti" Qazaqstan Respýblıkasy standartynyń talaptaryna sáıkes sáıkestendirilgen táýekelderdi baǵalaýdy (qaıta baǵalaýdy);

      yqtımal nuqsandy aıqyndaýdy qamtıtyn AQ qaterleri (táýekelderi) katalogyn qalyptastyrý; ";

      38-tarmaqtyń 4) jáne 5) tarmaqshalary mynadaı redaktsııada jazylsyn:

      "4) oqıǵalardy tirkeý jýrnaldary AQ TQ-da kórsetilgen, biraq úsh jyldan kem emes merzim boıy saqtalady jáne kem degende eki aı jedel qoljetimdi bolady;

      5) ýákiletti organ bekitetin "Elektrondyq úkimettiń" aqparattandyrý obektileriniń jáne aqparattyq-kommýnıkatsııalyq ınfraqurylymnyń asa mańyzdy obektileriniń aqparattyq qaýipsizdigin qamtamasyz etý monıtorıngin júrgizý qaǵıdalarynda aıqyndalatyn formattar men jazba túrlerine sáıkes qurylatyn BQ oqıǵalaryn tirkeý jýrnaldary júrgiziledi;";

      43-tarmaq mynadaı redaktsııada jazylsyn:

      "43. Jumystan bosatylǵan nemese eńbek sharty talaptaryna ózgerister engizilgen kezde MO, JAO qyzmetshisiniń nemese uıym qyzmetkeriniń jeke jáne logıkalyq qoljetimdilikti, qol jetkizý, qol qoıý sáıkestendirgishterin jáne ony MO, JAO jumys isteıtin qyzmetshisi nemese uıym jumyskeri retinde sáıkestendiretin qujattamany qamtıtyn aqparatqa jáne aqparatty óńdeý quraldaryna qol jetkizý quqyqtary onyń eńbek sharty toqtatylǵannan keıin joıylady nemese eńbek shartynyń talaptaryna ózgerister engizilgen kezde ózgertiledi.";

      45-tarmaq mynadaı redaktsııada jazylsyn:

      "45. Zańnyń 7-babynyń 11) tarmaqshasyna sáıkes aqparattandyrý salasyndaǵy ýákiletti organ bekitken aqparattandyrý obektileriniń synyptaýyshyna (budan ári - synyptaýysh) sáıkes birinshi jáne ekinshi synyptaǵy aqparattandyrý obektilerin, sondaı-aq qupııa AJ qurýǵa jáne damytýǵa bastama jasalǵan kezde QR MEM ST R ISO/MEK 15408-2006 "Aqparattyq tehnologııa. Qaýipsizdikti qamtamasyz etý ádisteri men quraldary. Aqparattyq tehnologııalardyń qaýipsizdigin baǵalaý ólshemsharttary" Qazaqstan Respýblıkasy standartynyń talaptaryna sáıkes quramdas komponentterge arnalǵan qorǵaý profılderi men qaýipsizdik jónindegi tapsyrma ázirlenedi.";

      46-tarmaqtyń 1) tarmaqshasy mynadaı redaktsııada jazylsyn:

      "1) aýtentıfıkatsııa tásilderine;";

      47-tarmaq mynadaı redaktsııada jazylsyn:

      "47. Synyptaýyshqa sáıkes birinshi jáne ekinshi synyptaǵy aqparattandyrý obektilerine qol jetkizý kezinde kóp faktorly, sonyń ishinde ETsQ paıdalanyla otyryp aýtentıfıkatsııa qoldanylady.";

      mynadaı mazmundaǵy 54-1-tarmaqpen tolyqtyrylsyn:

      "54-1. Lokaldy jelilerde derekterdiń taralýyn boldyrmaý júıelerin (DLP) qoldanýǵa jol beriledi. Bul rette:

      is-áreketterge júrgiziletin baqylaý týraly paıdalanýshyǵa vızýaldy habarlaý;

      paıdalanýshynyń is-áreketterine baqylaýdy júzege asyrý úshin onyń jazbasha kelisimin alý;

      basqarý ortalyǵyn jáne derekterdiń taralýyn boldyrmaý júıesin lokaldy jeli sheginde ornalastyrý qamtamasyz etiledi.";

      mynadaı mazmundaǵy 63-1-tarmaqpen tolyqtyrylsyn:

      "63-1. MO men JAO AR ónerkásiptik paıdalanýǵa aqparattyq qaýipsizdik talaptaryna sáıkestigi turǵysynan synaqtardyń oń nátıjeleri bar akti jáne "Aqparattandyrý týraly" Qazaqstan Respýblıkasy Zańynyń 66-babynda kózdelgen jaǵdaılardan basqa, aqparattyq qaýipsizdik talaptaryna sáıkestik attestaty bolǵan jaǵdaıda jol beriledi.";

      68 jáne 69-tarmaqtar mynadaı redaktsııada jazylsyn:

      "68. Qurylatyn nemese damytylatyn qoldanbaly AJ-nyń BQ-syna qoıylatyn talaptar QR ST 34.015-2002 "Aqparattyq tehnologııa. Avtomattandyrylǵan júıelerge arnalǵan standarttar kesheni. Avtomattandyrylǵan júıelerdi qurýǵa arnalǵan tehnıkalyq tapsyrma" Qazaqstan Respýblıkasy standartynyń talaptaryna sáıkes qurylatyn tehnıkalyq tapsyrmalarda osy BT men aqparattyq qaýipsizdikti qamtamasyz etý salasyndaǵy ýákiletti organmen kelisý boıynsha ýákiletti organ bekitetin memlekettik organdardyń aqparattyq júıelerin qurýǵa nemese damytýǵa arnalǵan tehnıkalyq tapsyrmalardy jasaý jáne qaraý qaǵıdalarynda aıqyndalady.

      69. Qurylatyn nemese damytylatyn SBÓ-ge qoıylatyn talaptar osy BT men ýákiletti organ bekitetin aqparattandyrýdyń servıstik modelin iske asyrý qaǵıdalaryna sáıkes jasalatyn aqparattyq-kommýnıkatsııalyq qyzmetti jobalaýǵa arnalǵan tapsyrmada aıqyndalady.";

      mynadaı mazmundaǵy 69-1-tarmaqpen tolyqtyrylsyn:

      "69-1. Servıstik baǵdarlamalyq ónimdi ónerkásiptik paıdalanýǵa "Aqparattandyrý týraly" Qazaqstan Respýblıkasy Zańynyń 66-babynda kózdelgen jaǵdaılardy qospaǵanda, aqparattyq qaýipsizdik talaptaryna sáıkestik turǵysynan synaqtardyń oń nátıjeleri bar akti, baǵdarlamalyq qujattama men Qazaqstan Respýblıkasy aýmaǵynda qoldanystaǵy aqparattandyrý salasyndaǵy standarttardyń talaptaryna sáıkes sapasyn baǵalaý maqsatynda synaqtan ótkizý hattamasy jáne baǵdarlamalyq qujattamany saraptaý hattamasy bolǵan kezde jol beriledi.";

      mynadaı mazmundaǵy 90-1- tarmaqpen tolyqtyrylsyn:

      "90-1. Aqparattandyrý obektileriniń nemese aqparat obektileri komponentteriniń ıntegratsııalyq ózara is-qımyl fýnktsııalaryn shlıýz, ıntegratsııalaý shınasy, ıntegratsııalaý komponenti nemese ıntegratsııalaý modýli arqyly iske asyrǵan kezde:

      1) suraý salýlardyń kózderin (qosylý núktelerin) tirkeý jáne zańdylyǵyn tekserý;

      2) mynalar:

      paroli nemese ETsQ;

      qosylý núktesi;

      qosylý buǵattaýynyń bolýy;

      ıntegratsııalyq ózara is-qımyl reglamentinde aıqyndalǵan suraý salýlardyń ruqsat etilgen túrleri;

      ıntegratsııalyq ózara is-qımyl reglamentinde aıqyndalǵan suraý salýlardyń ruqsat etilgen jıiligi;

      suraý salýlarda aqparattyq qaýipsizdikti buzý belgileriniń bolýy;

      sıgnatýralar boıynsha zııandy kodtyń bolýy boıynsha suraý salýlardyń zańdylyǵyn tekserý;

      3) mynadaı:

      ıntegratsııalyq ózara is-qımyl reglamentinde aıqyndalǵan ýaqyt ishinde qosylý bolmaǵan;

      ıntegratsııalyq ózara is-qımyl reglamentinde aıqyndalǵan ýaqytta suraý salýlardyń ruqsat etilgen jıiliginen asyrǵan;

      suraý salýlarda aqparattyq qaýipsizdikti buzý belgileri bolǵan;

      ıntegratsııalyq ózara is-qımyl reglamentinde aıqyndalǵan aýtentıfıkatsııa qateleriniń sanynan asyrǵan;

      paıdalanýshylardyń anomaldy belsendiligi aıqyndalǵan;

      derekter massıvterin kóshirý áreketteri anyqtalǵan kezde habarlama almasý hattamalarynda buzýshylyqtar anyqtalǵan kezde qosylýdy buǵattaý;

      4) ıntegratsııalyq ózara is-qımyl reglamentinde aıqyndalǵan is-qımyl jasaý ýaqyty boıynsha qosylý parolderin únemi aýystyrý;

      5) AQ ıntsıdentteri aıqyndalǵan kezde qosylý logınin aýystyrý;

      6) ishki sheńberdiń LJ adresteýin jasyrý;

      7) mynalar:

      aqparattyq habarlamalardy berý/qabyldaý oqıǵalaryn tirkeý;

      faıldardy berý/qabyldaý oqıǵalaryn tirkeý;

      qyzmettik habarlamalardy berý/qabyldaý oqıǵalaryn tirkeý;

      oqıǵalar jýrnaldarynyń monıtorıngi úshin ıntsıdentterdi jáne AQ oqıǵalaryn basqarý júıesin qoldaný;

      oqıǵalar jýrnaldaryn AQ oqıǵalarynyń oryn alýy turǵysynan taldaý rásimderin avtomattandyrý;

      oqıǵalar jýrnaldaryn ákimshilerge qaraý úshin ǵana qoljetimdi mamandandyrylǵan logtar serverinde saqtaý;

      oqıǵalar jýrnaldaryn (qajet bolǵan kezde):

      a) aǵymdaǵy táýlik;

      b) qosylý (baılanys arnasy);

      v) memlekettik organ (zańdy tulǵa);

      g) ıntegratsııalanatyn aqparattandyrý obektileri boıynsha bólek júrgizý qamtylǵan oqıǵalar jýrnalyn júrgizý;

      8) ıntegratsııalanatyn aqparattandyrý obektilerine ýaqytty sınhrondaý servısin usyný;

      9) derekterdi berý júıeleri arqyly júzege asyrylatyn qosylýlardy baǵdarlamalyq-apparattyq krıptografııalyq qorǵaý;

      10) qosylýlar parolderin shıfrlanǵan túrde saqtaý jáne berý;

      11) ıntegratsııalanatyn aqparattandyrý obektileriniń jaýapty adamdaryn AQ ıntsıdentteri týraly habarlandyrýdy avtomattandyrý qamtamasyz etiledi.";

      92-tarmaq mynadaı redaktsııada jazylsyn:

      "92. MO-nyń jáne JAO-nyń AJ-syn baǵdarlamalyq-apparattyq qamtamasyz etýdi basqarý AJ ıelenýshisi ishki sheńberiniń LJ júzege asyrylady.

      MO-nyń nemese JAO-nyń AJ-syn jáne MO-nyń nemese JAO-nyń AJ-symen ıntegratsııalanatyn memlekettik emes AJ-ny baǵdarlamalyq-apparattyq qamtamasyz etý Qazaqstan Respýblıkasy ratıfıkatsııalaǵan halyqaralyq sharttardyń sheńberinde ulttyq shlıýzdi paıdalana otyryp júzege asyrylatyn memleketaralyq aqparat almasýǵa baılanysty jaǵdaılardy qospaǵanda, Qazaqstan Respýblıkasynyń aýmaǵynda ornalastyrylady.";

      mynadaı mazmundaǵy 92-1 jáne 92-2-tarmaqtarmen tolyqtyrylsyn:

      "92-1. MO men JAO-nyń AQ jumysyn uıymdastyrý úshin Qazaqstan Respýblıkasynyń aýmaǵynda fızıkalyq túrde ornalasqan bultty servısterdi (vırtýaldaý tehnologııasyn paıdalana otyryp resýrstardy usynatyn apparattyq-baǵdarlamalyq keshender, AJ), basqarý ortalyqtaryn jáne serverlerdi qoldanýǵa jol beriledi.

      92-2. Qazaqstan Respýblıkasy azamattarynyń derbes derekteri qamtylǵan aqparattyq-kommýnıkatsııalyq ınfraqurylymdardyń asa mańyzdy obektileriniń AQ baǵdarlamalyq-apparattyq qamtamasyz etý Qazaqstan Respýblıkasynyń aýmaǵynda ornalastyrylady.";

      99-tarmaq mynadaı redaktsııada jazylsyn:

      "99. Tehnologııalyq platformany tańdaý vırtýaldandyrý tehnologııasyn qoldaýǵa múmkindik beretin jabdyqtyń basymdylyǵyn eskere otyryp júzege asyrylady.";

      mynadaı mazmundaǵy 101-1-tarmaqpen tolyqtyrylsyn:

      "101-1. AKP ónerkásiptik paıdalanýǵa aqparattyq qaýipsizdik talaptaryna sáıkestigi turǵysynan synaqtardyń oń nátıjeleri bar akti jáne "Aqparattandyrý týraly" Qazaqstan Respýblıkasy Zańynyń 66-babynda kózdelgen jaǵdaılardy qospaǵanda aqparattyq qaýipsizdik talaptaryna sáıkestik attestaty bolǵan kezde jol beriledi.";

      116-tarmaqtyń 1) tarmaqshasy mynadaı redaktsııada jazylsyn:

      "1) AJ-nyń qoldanbaly BQ-syn ázirleýge (damytýǵa) arnalǵan tehnıkalyq tapsyrmada nemese "elektrondyq úkimet" servıstik ıntegratory ázirlegen aqparattyq-kommýnıkatsııalyq qyzmetterdi jobalaýǵa arnalǵan tapsyrmada usynylatyn talaptar;";

      128-tarmaqtyń 4) tarmaqshasy mynadaı redaktsııada jazylsyn:

      "4) vedomstvolyq (korporatıvtik) telekommýnıkatsııalyq jáne lokaldik jelilerdi ınternetke MO-nyń, JAO-nyń nemese uıymnyń IQBSh arqyly qosqan kezde AKI operatorynyń nemese IQBSh jabdyǵynda rezervtelgen baılanys arnalary bar basqa baılanys operatorynyń qyzmetterin paıdalanady;";

      131-tarmaq mynadaı redaktsııada jazylsyn:

      "131. MO BKO-ǵa, MO-nyń nemese JAO-nyń lokaldyq jelisine, sondaı-aq MO BKO quramyna kiretin, MO-nyń nemese JAO-nyń lokaldyq jelisiniń quramyna kiretin tehnıkalyq quraldarǵa symsyz jeliler arqyly qashyqtyqtan qol jetkizýdi, symsyz qoljetimdilikti uıymdastyrýǵa arnalǵan quraldardy, modemderdi, radıomodemderdi, uıaly baılanys operatorlarynyń jelilik modemderin, uıaly baılanystyń abonenttik qurylǵylaryna jáne basqa da symsyz jelilik qurylǵylardy qosýǵa jol berilmeıdi.".

      140-tarmaq mynadaı redaktsııada jazylsyn:

      "140 BT-nyń 139-tarmaǵynyń 10), 11) tarmaqshalarynda kózdelgen talaptar 2016 jylǵy 1 qańtarǵa deıin ónerkásiptik paıdalanýǵa engizilgen jáne 2018 jylǵy 1 qańtarǵa deıin damýǵa jatpaıtyn MO-nyń nemese JAO-nyń AJ-laryna qoldanylmaıdy.

      MO AJ jáne JAO derekteriniń memlekettik emes AJ-men aqparattyq ózara is-qımyl tártibi Zańnyń 7-babynyń 13) tarmaqshasyna sáıkes aqparattandyrý salasyndaǵy ýákiletti organ bekitken "Elektrondyq úkimettiń" aqparattandyrý obektilerin ıntegratsııalaý qaǵıdalarynda aıqyndalady.";

      mynadaı mazmundaǵy 163-tarmaqpen tolyqtyrylsyn:

      "163. Telekommýnıkatsııalyq jelilerdiń bólý qurylǵylary krostyq úı-jaıda ornalastyrylady. Krostyq úı-jaı ol qyzmet kórsetetin jumys aýmaǵynyń ortasyna jaqyn ornalastyrylady.

      Krostyq úı-jaıdyń kólemi qyzmet kórsetiletin jumys aýmaǵy men ornatylatyn jabdyqtyń kólemine qaraı tańdalady.

      Krostyq úı-jaılar mynadaı talaptarǵa sáıkes bolýy qajet:

      jabdyqqa qyzmet kórsetý úshin bos qyzmettik ótetin joldyń bolýy;

      elektromagnıttik kedergilerdiń qýatty kózderiniń (transformatorlar, elektr qalqandary, elektr qozǵaltqyshtar jáne basqalary) bolmaýy;

      sýmen jabdyqtaý júıesiniń burandalary men qubyrlarynyń bolmaýy;

      órt qaýipsizdigi júıesiniń bolýy;

      jeńil janatyn materıaldardyń (aǵash sóreler, karton, kitaptar jáne basqalary) bolmaýy;

      joba boıynsha shkafty qosý úshin avtomattan bólek jeke elektr qýattalý jelisiniń bolýy;

      sıgnalızatsııalyq kúzet júıesiniń, kirýdi baqylaý júıesiniń bolýy;

      aýa baptaý júıesiniń bolýy.".

      2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.