Aqparattyq-kommýnıkatsııalyq salanyń ishki jalpy ónimdegi úles salmaǵyn 5 paıyzǵa deıin jetkizý kózdelip otyr - QR Aqparattandyrý agenttigi
ASTANA. Jeltoqsannyń 22-si. QazAqparat /Arman Asqarov/ - 2014 jylda elimizdegi aqparattyq-kommýnıkatsııalyq salanyń ishki jalpy ónimdegi úles salmaǵyn 5 paıyzǵa deıin jetkizý kózdelgen.
Bul týraly búgin QR Aqparattandyrý jáne baılanys agenttiginiń jaýapty hatshysy Bolat Mahambetajıev málim etti, dep habarlaıdy QazAqparat.
Onyń aıtýynsha, búgingi tańda bul kórsetkish 3,3 paıyzǵa teń. «Aldaǵy 4 jylda Qazaqstannyń aqparattyq -kommýnıkatsııalyq salasynyń negizgi úsh salasy - telekommýnıkatsııalar, poshta qyzmeti men aqparattyq tehnologııalardy damytý arqyly bul salanyń jalpy ishki ónimdegi úles salmaǵyn 5 paıyzǵa deıin jetkizý josparlanǵan. Demek, 2014 jyly onyń úlesi 1100 mlrd. teńge bolmaq», dedi B. Mahambetajıev.
Aıta keteıik, qazirgi kezde elimizdiń aqparattyq-kommýnıkatsııalyq salanyń ishki jalpy ónimdegi úles salmaǵy 521 mlrd. teńgeni qurap otyr.
