Aqparattyq-kommýnıkatsııalar salasynda jumys isteıtinder sany azaıdy
NUR-SULTAN. QazAqparat - Qazaqstandyq kompanııalardyń 80 paıyzy óz jumystarynda kompıýter qoldansa, 96 paıyzy ınternetke qosylǵan. Bul týraly QazAqparat Finprom.kz silteme jasap habarlaıdy.
Sapartama qorytyndysyna sensek, aqparattyq tehnologııalarǵa jumsaǵan shyǵyndary bir jylda 13 paıyzǵa azaıyp, 305 mlrd teńge bolǵan.
«Dúnıejúzilik ekonomıkalyq forýmnyń baǵalaýynsha, tsıfrlyq tehnologııalar bıznestiń tabysyn arttyryp, aldaǵy 10 jyldyń ishinde álem ekonomıkasyna qosymsha 30 trıllıon dollar kirgizýi múmkin. Al bizdegi kompanııalar byltyr atalmysh salaǵa bólingen shyǵyndy 12,8 paıyzǵa qysqartty. 2017 jyly bul kórsetkish 349,9 mlrd teńge bolatyn» - delingen habarlamada
Sáıkesinshe, eldegi aqparattyq-kommýnıkatsııa salasynda eńbek etýshilerdiń sany da kemigen. ıAǵnı, 2017 jylǵa qaraǵanda 2018 jyly 2,8 myń adamǵa azaıǵan.
Qazaqstan boıynsha aqparattyq-kommýnkatsııalyq tehnologııaǵa salaǵa mamandaǵan 150 kompanııa tirkelgen. Solardyń ishinde Astana Hub kompanııasy IT-startaptar boıynsha kósh basynda. El ishinde paıda bolǵan mobıldik qosymshalardyń 18,1% paıyzy (72 joba) solarǵa tıesili. Ekinshi oryndy 13,9 paıyzben tsırflyq avtomattandyrý jobalary ıelenip tur. Úshtikti 13,4 paıyzben elektrondy saýda jobalary túıindegen. Odan keıingi satylarǵa tsıfrlyq platformalar men onlaın-bilim berý jobalary jaıǵasqan. Olardyń ortaq úlesi 18,1 paıyz.
