Aqparattyq qaýipsizdikke qatysty 4 laýazym ıesi ákimshilik jaýapkershilikke tartyldy

NUR-SULTAN. QazAqparat – Aqparattyq qaýipsizdikti qamtamasyz etý salasynda bıyl memlekettik organdardyń 4 laýazym ıesi ákimshilik jaýapkershilikke tartyldy. Bul týraly QR Tsıfrlyq damý, ınnovatsııalar jáne aeroǵarysh ónerkásibi mınıstrligi Aqparattyq qaýipsizdik komıtetiniń tóraǵasy Rýslan Ábdiqalyqov málim etti, dep habarlaıdy QazAqparat tilshisi.

«Aqparattyq qaýipsizdikti qamtamasyz etý salasynda memlekettik baqylaý boıynsha jumystar júrgizilip jatyr. 2020 jyly Qazaqstan zańnamasyn oryndaýǵa qatysty jospardan 34 tekserý júrgizildi. Onyń nátıjesi boıynsha memlekettik organdardyń 17 laýazymdy tulǵasy, sondaı-aq 6 zańdy tulǵa ákimshilik jaýapkershilikke t artyldy», - dedi R. Ábdiqalyqov Ortalyq kommýnıkatsııalar qyzmetinde.

Onyń aıtýynsha, jyl basynan beri 11 jospardan tys tekserý júrgizilgen.

«Osy oraıda memlekettik organdardyń 4 laýazym ıesi men 1 zańdy tulǵa ákimshilik jaýapkershilikke tartyldy», - dedi komıtet basshysy.