Aqparattyq qaýipsizdik mamandyqtaryna bilim granttary 60-tan 500-ge artady

ASTANA. QazAqparat - Búgin Úkimet úıinde QR Premer-Mınıstri Baqytjan Saǵyntaevtyń tóraǵalyǵymen Tsıfrlandyrý jónindegi komıssııanyń otyrysy ótti. Bul týraly primeminister.kz saıtynda habarlandy.

Otyrysta «Tsıfrlyq Qazaqstan» memlekettik baǵdarlamasy aıasynda aqparat jáne kommýnıkatsııalar, qorǵanys jáne aeroǵarysh ónerkásibi, bilim jáne ǵylym, eńbek jáne halyqty áleýmettik qorǵaý mınıstrlikteriniń aqparattyq qaýipsizdikti qamtamasyz etý, sondaı-aq bilikti AT-mamandardy daıarlaý tásilderi qaraldy.

Qazaqstanda 80 myńǵa jýyq uıym óz qyzmetinde ınternetti paıdalanady. Aldyn ala baǵalaý boıynsha, aqparattyq qaýipsizdik salasyndaǵy eńbek naryǵyn túrli deńgeıdegi biliktilik pen mamandyqtyń shamamen 35 myń adamy qamtıdy. Osyǵan baılanysty QR BǴM men QAÓM birlese otyryp, «Aqparattyq qaýipsizdik júıeleri» mamandyǵy boıynsha bilim granttarynyń sanyn 2018 jyldan bastap 60-tan 500-ge deıin ulǵaıtty.