Aqparatty krıptografııalyq qorǵaý quraldaryn ázirleý jáne ótkizý jónindegi qyzmet túrine qoıylatyn biliktilik talaptary bekitildi

Qazaqstan Respýblıkasy Úkimetiniń qaýlysy №440

2012 jylǵy 10 sáýir,   Astana, Úkimet Úıi

Aqparatty krıptografııalyq qorǵaý quraldaryn ázirleý jáne ótkizý  (onyń ishinde ózge de berý) jónindegi qyzmet túrine qoıylatyn biliktilik talaptaryn bekitý týraly

«Lıtsenzııalaý týraly» Qazaqstan Respýblıkasynyń 2007 jylǵy 11 qańtardaǵy Zańynyń 6-babynyń 3) tarmaqshasyna sáıkes Qazaqstan Respýblıkasynyń úkimeti qaýly etedi:
1. Qosa berilip otyrǵan aqparatty krıptografııalyq qorǵaý quraldaryn ázirleý jáne ótkizý (onyń ishinde ózge de berý) jónindegi qyzmet túrine qoıylatyn biliktilik talaptary bekitilsin.
«Aqparatty krıptografııalyq qorǵaý quraldaryn ázirleý jáne ótkizý (onyń ishinde ózge de berý) jónindegi qyzmetti lıtsenzııalaý erejesiń jáne oǵan qoıylatyn biliktilik talaptaryn bekitý týraly» Qazaqstan Respýblıkasy Úkimetiniń 2007 jylǵy 30 qarashadaǵy № 1160 qaýlysynyń (Qazaqstan Respýblıkasynyń PÚAJ-y, 2007 j., № 45, 535-qujat) kúshi joıyldy dep tanylsyn.
Osy qaýly alǵashqy resmı jarııalanǵanynan keıin kúntizbelik jıyrma bir kún ótken soń qoldanysqa engiziledi.

                                                                        Qazaqstan Respýblıkasynyń  Premer-Mınıstri  K.MÁSІMOV.

Qazaqstan Respýblıkasy Úkimetiniń 2012 jylǵy 10 sáýirdegi № 440 qaýlysymen bekitilgen

Aqparatty krıptografııalyq qorǵaý quraldaryn ázirleý jáne ótkizý (onyń ishinde ózge de berý) jónindegi qyzmet túrine qoıylatyn biliktilik talaptary
1. Aqparatty krıptografııalyq qorǵaý quraldaryn (budan ári - AKQQ) ázirleý jáne ótkizý (onyń ishinde ózge de berý) jónindegi qyzmet qyzmettiń mynadaı kishi túrlerin:
1) AKQQ-ny ázirleýdi;
2) AKQQ-ny ótkizýdi (onyń ishinde ózge de berý) qamtıdy.
2. Osy biliktilik talaptarynyń áreketi Qazaqstan Respýblıkasynyń memlekettik qupııalaryn qorǵaýǵa baılanysty qyzmetke qoldanylmaıdy.
3. AKKQ-ny ázirleý jáne ótkizý (onyń ishinde ózge de berý) jónindegi qyzmetke qoıylatyn biliktilik talaptary:
1) joǵary tehnıkalyq bilimi bar mamannyń;
2) málimdelgen qyzmet túrin júzege asyrý úshin jeke menshiginde nemese ózge zandy negizdegi arnaıy bólingen úı-jaıdyń bolýyn qamtıdy.
Bul rette úı-jaı kúzet jáne órt sıgnaldary júıelerimen olardy táýlik boıy kúzet pýltine qosa otyryp jabdyqtalýy tıis.
4. AKQQ-ny ázirleý jónindegi qyzmetti júzege asyrý úshin mynadaı qosymsha biliktilik talaptary belgilenedi:
1) AKQQ-ny jáne olardyń qujattamalaryn saqtaý úshin arnaıy bólingen úı-jaıda keminde bir mórlenetin temir shkaftyń bolýy;
2) biliktilik synaqtyń nátıjeleri boıynsha júzege asyrylatyn málimdelgen tulǵalardyń bilim deńgeıin baǵalaýdy.
AKQQ salasyndaǵy biliktilik synaqtaryn tapsyrý úshin suraqtar tizbesin lıtsenzıar belgileıdi.