Aqparatty este saqtaýdyń tıimdi tásili ataldy
ASTANA. QazAqparat - Amerıkalyq psıhologtar aqparatty este saqtaýdyń tıimdi ádisin atady.
Zertteý nátıjeleri Learning & Memory jýrnalynda jarııalandy, dep habarlaıdy QazAqparat.
Mamandardyń paıymynsha, qabyldanǵan qandaı da bir málimetti este saqtap qalý úshin, ony bireýge aıtyp berý qajet. Nátıjesinde, bul aqparat pen onyń egjeı-tegjeıli mán-jaıy tipti bir aptadan keıin de adamnyń esinde turady.
Ǵalymdar mundaı tujyrymǵa stýdenttermen ótkizilgen zertteýden keıin kelgen. Olarǵa jarty saǵat boıy 40 fılmniń 24-sekýndtyq rolıkteri kórsetildi. Eksperımentke qatysýshylardyń sharty - vıdeoda kórsetilgen jalpy sıýjetti, sondaı-aq túrli usaq-túıekterdi, máselen, dybystardy, túster men keıipkerlerdiń qımyldaryn este saqtap qalý boldy.
Sońynda, vıdeony qarap shyqqannan keıin onda qamtylǵan aqparatty bir-birine aıtyp berip otyrǵan stýdentter berilgen tapsyrmany úzdik oryndap shyqty.
