Aqparattyq júıesi jıi istemeı qalady: Bektenov HQK ortalyqtary qyzmetin synǵa aldy

ASTANA. KAZINFORM — Halyqqa qyzmet kórsetý ortalyqtarynyń jumysyn jaqsartý baǵytynda birqatar shara qolǵa alyndy.

Bul týraly «Azamattarǵa arnalǵan úkimet» memlekettik korporatsııasy» KEAQ basqarma tóraǵasy Arman Kenjeǵalıev aıtty.

— Halyqqa qyzmet kórsetý ortalyqtarynyń qyzmetine shaǵym kóp túsip jatyr. Aqparattyq júıeleriniń toqtap qalýyna qatysty suraqtar bar. Osy baǵytta qandaı jumys atqarylyp jatyr? — dep surady Oljas Bektenov Úkimet otyrysynda Arman Kenjeǵalıevten.

Spıker óz kezeginde bul baǵytta qandaı jumystar atqarylyp jatqanyn málimdedi. 

— Shynynda da osyndaı másele bar. Ony sheshý úshin biz birqatar jumys atqardyq. Arnaıy júıelerdi iske qostyq. Júıege derekterdi qolmen engizý múmkindigin joıdyq. Salyq jáne keden organdarymen ıntegratsııa arqyly tıisti derekterdi alamyz. Sybaılas jemqorlyqqa qarsy is-qımyl organdarymen birge mamandandyrylǵan halyqqa qyzmet kórsetý ortalyqtarynda jumysty jaqsartyp jatyrmyz, — dedi Kenjeǵalıev.

Buǵan deıin eGov arqyly kedergi keltirgen kólik ıelerine anonımdi habarlama jiberýge bolatyny habarlandy.

Sondaı-aq, 7 myńnan asa qazaqstandyq júrgizýshi kýáligin eki batyrmany basý arqyly aýystyrǵany belgili boldy.