Aqparattanǵan adamdar ǵana aqparattanǵan sheshimder qabyldaıdy - D. Mııatovıch
ASTANA. 26 qarasha. QazAqparat /Qanat Mámetqazyuly/ - Aqparattanǵan adamdar ǵana aqparattanǵan sheshimder qabyldaıdy. Búgin Elordada EQYU Sammıti qarsańyndaǵy Sholý konferentsııasynyń «BAQ bostandyǵy» sessııasynda sóz sóılegen EQYU BAQ bostandyǵy máseleleri jónindegi ókili Dýnıa Mııatovıch osylaı málim etti.
«Internetti qylmystyq maqsattarǵa paıdalaný, ǵalamtorǵa zııandy kontent ornalastyrý máselesine zańdy túrde alańdaýshylyqtyń mańyzdy bolatyny aıqyn. Sondyqtan da balalar pornografııasy sekildi qylmystarmen zań sheńberinde qatań kúresý qajettigin talaı márte kóterdik. Alaıda, bundaı qadamdy jalpy ınternetke qatysty qoldanýǵa bolmaıdy», dedi D. Mııatovıch. Onyń aıtýynsha, ınternet - bul banktik shottardy qoldaný, habar almasý sekildi túrli maqsattarǵa qoldanylatyn baılanys quraly ári bul ınfraqurylymda medıa-materıaldar da ornalasady. «Dál osy máseleni EQYU qatysýshy memleketter ózderiniń saıasatyn qalyptastyrý barysynda eskerýleri qajet. Bul rette ınternetke qoljetimdilik adamnyń negizgi quqyqtarynyń biri retinde qarastyrylady. Jalpy alǵanda EQYU múshe memleketteriniń barlyǵy demokratııany nyǵaıta túsetin ózderiniń mindettemelerin naqtylaı túsýleri shart. Aqparattanǵan adamdar ǵana aqparattanǵan sheshimder qabyldaıdy. Bul demokratııanyń mańyzdy qadamy», dedi EQYU ókili.
