Aqparattandyrý jáne baılanys komıtetiniń eks-basshysy B.Bersebaev, Komıtet basshysynyń orynbasary B.Arpabaev jáne «Qazaqtelekom» AQ strategııalyq basqarý jónindegi bas dırektory B.Mahanbetájıev ustaldy
ASTANA. QazAqparat - Almaty qalasynyń sybaılas jemqorlyqqa qarsy kúres qyzmeti Aqparattandyrý jáne baılanys, «Qazaqtelekom» Aktsıonerlik qoǵamy, sondaı-aq «QazTAG» HAA» JShS-niń laýazymdy tulǵalarynyń asa iri kólemdegi memlekettik qarajatty urlaý faktileri boıynsha qylmystyq isterdi tergeý amaldaryn jalǵastyryp jatyr. Bul týraly QR Memlekettik qyzmet isteri mınıstrliginiń Sybaılas jemqorlyqqa qarsy turý ulttyq bıýrosy habarlady.
Osylaısha, tergeý 2010-2015 jyldary memlekettik saıasatty aqparattyq alǵa jyljytýǵa bólingen 160 mln.-nan astam teńge urlanǵanyn anyqtady.
Urlyq jasaý kúdigimen 25 naýryzda Komıtettiń burynǵy basshysy Bersebaev pen Komıtet tóraǵasynyń orynbasary Arpabaev ustaldy.
Atalǵan tulǵalar «QazTAG» agenttigimen ǵana shart ornatý úshin qasaqana jaǵdaılar jasap, sol arqyly memlekettik satyp alýlar týraly zańnama talaptarynyń óreskel buzylýyna jol berdi.
Osylaısha, memlekettik tapsyrysty oryndaýǵa basqa básekelester alynyp tastaldy.
Budan basqa, memlekettik saıasatty alǵa jyljytý tegin, turǵyndar úshin ashyq jáne qoljetimdi rejımde júzege asyrylýy tıis bolǵan.
Alaıda, memleket tólegen materıaldar aqparattyq agenttiktiń saıtynda jabyq formatta ornalastyrylyp, paıdalanýshylardan qosymsha tólem talap etti.
Bıýdjettik qarajat «QazTAG» aqparattyq agenttiginiń esep shotynan «Ulttyq Baspasóz klýby» affılırlik qoǵamdyq birlestikke aqshany jalǵan negizde aýdarý jolymen urlanǵan.
***
Taǵy bir fakt 51% aktsııasy memleketke tıesili «Qazaqtelekom» AQ laýazymdy tulǵalarynyń 260 mln. teńgeni jymqyrýymen baılanysty.
Qarajat qoǵamnyń aqparattyq-jarnamalyq materıaldaryn baspa basylymdarynda jarııalaýǵa arnalǵan. Bul úshin joǵaryda aıtylǵan «Ulttyq baspasóz klýby» qoǵamdyq birlestigimen shart jasalǵan.
Tergeý barysynda anyqtalǵandaı, Aktsıonerlik qoǵam qyzmettiń eki eselengen somasyn tólep, keıin ony qaltasyna basqan.
25 naýryzda memleket qarajatyn urlady degen kúdikpen aktsıonerlik qoǵamnyń strategııalyq basqarý boıynsha bas dırektory B.Mahanbetájıev ustaldy.
Buryn habarlanǵandaı, Mataev «úı qamaǵyna» alyndy.
***
Sonymen qatar, Seıtqazy Mataev «Ulttyq baspasóz-klýby» QB-niń 326,9 mln. teńge somasyndaǵy salyǵyn tóleýden jaltardy degen kúdik bar.
Baspasóz klýbynyń kásipkerlik qyzmetinen (keńselerdi jalǵa berýden) tapqan 1,4 mlrd. teńge kólemindegi tabysynyń salyǵyn tólemeý saldarynan osyndaı qaryz qalyptasqan.
Barlyq faktiler boıynsha tergeý amaldary júrgizilip jatyr. Onyń nátıjesi týraly zańda bekitilgen tártippen jurtshylyqqa jetkiziledi.
