Aqparattandyrý jaǵdaıynda kez kelgen pedagog aqparattyq-kommýnıkatsııalyq tehnologııany jan-jaqty ıgerip, paıdalana bilýi tıis - pedagogıka ǵylymdarynyń doktory, dotsent Sáýle Muhambetjanova
ALMATY. Shildeniń 27-si. QazAqparat /Názıra Eleýhan/ - Aqparattandyrý jaǵdaıynda kez kelgen pedagog aqparattyq-kommýnıkatsııalyq tehnologııany jan-jaqty ıgerýi tıis.
Kásibı isinde paıdalana bilýi kerek. Bul týraly búgin Almatyda "Turaqty damý úshin bilim berý: Aqparattyq-kommýnıkatsııalyq tehnologııalardy sapaly bilim berýdiń sharty retinde oqý úderisine engizýdiń ádisnamalyq negizderi" degen taqyrypta ótken halyqaralyq ǵylymı-tájirıbelik konferentsııada Bilim berý júıesiniń basshy jáne ǵylymı-pedagogıkalyq kadrlar biliktiligin arttyratyn respýblıkalyq ınstıtýttyń Aqparattyq tehnologııa jáne qashyqtyqtan oqytý kabınetiniń meńgerýshisi, pedagogıka ǵylymdarynyń doktory, dotsent Sáýle Muhambetjanova aıtty, dep habarlaıdy QazAqparat.
"Qazir biz qazaqstandyq pedagogterdiń aqparattyq-kommýnıkatsııalyq quzyrlyǵyn qalyptastyrýdamyz. Soǵan baılanysty biliktilikti arttyrý júıesinde modýldyq jumys baǵdarlamasyn, elektrondyq partfolıo jasadyq. Osy quraldardyń múmkindikterin ár pedagog ıgere bilýi tıis. Ondaǵy maqsat - turaqty bilim berý jaǵdaıynda aqparattyq-kommýnıkatsııalyq tehnologııanyń rólin kórsetý", dedi ol.
Onyń aıtýynsha, búgingi tańda ınteraktıvtik taqtamen muǵalimderdiń 60 paıyzy jumys isteı alady. "Interaktıvtik taqtamen Almaty qalasyndaǵy barlyq mektepter qamtyldy. Respýblıka boıynsha 3 500 mektep qamtamasyz etildi. Biz bıylǵy jyly qyrkúıek aıynan bastap elektrondyq oqytý júıesin engizemiz. 2012 jylǵa deıin bul júıeni barlyq pedagog jetik meńgerip shyǵady dep oılaımyn. Muǵalimder birinshi kezeńnen ótti, ıaǵnı kompıýterlik saýattylyq qalyptasty, endi kelesi kezeńde pedagogterdiń kásibı is áreketine osy tehnologııalardy qoldaný bizdiń aldaǵy maqsatymyz", dep atap ótti Sáýle Muhambetjanova.
Onyń aıtýynsha, tehnologııalardy meńgerýde muǵalimder tarapynan qyzyǵýshylyq arta túsip otyr.
