Aqparattandyrý salasyna artylar júk az emes
Bul jóninde Elbasy: «Mınıstrlik dál osy maqsatpen quryldy. Barlyq álemdik, sonyń ishinde reseılik BAQ óz eliniń azamattarynyń patrıottyq sezimin arttyrýǵa, der kezinde aqparat usyný jáne barlyq máselege ýaqtyly ún qatý arqyly syrttan keletin aqparattyq shabýyldarǵa qalqan bola otyryp, ishki saıası tynyshtyqty saqtaýǵa kómektesedi. Qajet bolǵan jaǵdaıda halyqaralyq tájirıbeni engizip, osyndaı jumystar atqarý kerek. Buqaralyq aqparat quraldary - orasan kúsh, bul ásirese kóptegen qateri bar ınternet keńistikke qatysty», - degen bolatyn.
Osy rette, QR Aqparat jáne baılanys mınıstrligine júkteletin mindetter óte aýqymdy. Bul mindetter básekege qabiletti aqparattyq keńistikti damytýǵa jáne túrli saladaǵy memlekettik saıasatty aqparattyq qoldaýdyń tıimdiligin jaqsartýǵa, telekommýnıkatsııa salasyndaǵy qyzmet sapasy standarttaryn jetekshi elder deńgeıine jetkizýge, ashyq ári esep berýshi memleket qalyptastyrý aıasynda elektrondyq úkimetti odan ári ilgeriletýge baǵyttalatyn bolady.
Sonymen birge, memleket tarapynan eldiń damýyn qamtamasyz etý úshin qabyldanyp jatqan júıeli sharalar da halyqqa tıisti túrde jetkizilýi tıis. ıAǵnı, aqparat salasyn elimizdiń múddesi úshin jumyldyrý kózdeledi. «Barlyq BAQ menshik formasyna qaramastan, óz halqynyń múddesi úshin jumys isteýge tıis. Bul rette memlekettik tapsyrys aıasynda beriletin qarajattyń qatań esebin júrgizý qajet. Bul máseleni zań deńgeıinde retteý qajet bolsa, solaı isteý kerek», - dedi Memleket basshysy bul týrasynda.
Al, sońǵy kezderi jıilegen oqys oqıǵalar kezinde halyqtyń shynaıy aqparatty der kezinde alyp, al resmı aqparattyń jýrnalısterge qoljetimdi bolýyn qamtamasyz etý úshin mınıstrlik tarapynan tıisti sharalar qabyldanýda. Qazirgi tańda Aqparat jáne baılanys qyzmeti Іshki ister mınıstrligimen birlesip aqparatty rastaý ýaqytyn qysqartý máselesin pysyqtaýǵa kiristi. «Memlekettik organdardyń jedel aqparattyq áreket etýi jónindegi strategııany jetildirý úshin biz qazir Іshki ister mınıstrligimen birge is-áreketter algorıtmin ázirledik. Oǵan sáıkes, halyqqa aqparat qosymsha kelisýlerdi kútpesten, barynsha jedel taratylady», - dedi D.Abaev.
Túıindeı aıtqanda, qazirgi qalyptasqan jaǵdaıda aqparat salasyna memlekettik aqparattyq saıasatty odan ári ilgeriletý, halyqqa jyldam ári shynaıy aqparat taratýdyń tıimdi tetikterin engizý jáne telekommýnıkatsııalyq ınfraqurylymdy jetildirý ispetti mindetter tur.
