Aqparatqa qoljetimdilik salasynda jeke retteýdi qajet etetin máseleler bar - sarapshy

NUR-SULTAN. QazAqparat - Aqparatqa qoljetimdilik salasynda jeke retteýdi qajet etetin máseleler bar. Bul týraly QR Prezıdenti janyndaǵy Adam quqyqtary jónindegi komıssııanyń múshesi, zań ǵylymynyń doktory Aısana Sman aıtty, dep habarlaıdy QazAqparat tilshisi.

«Aqparatqa qoljetimdilik týraly» Zań 2015 jyly qabyldanǵan edi. Zań qoldanysta bolǵan 5 jyldyń ishinde aqparatqa qoljetimdilikpen baılanysty júıede oryn alyp otyrǵan qoǵamdyq qatynastardy rettep keldi. Degenmen, aqparattyq qoljetimdilik salasynda jeke retteýdi talap etetin erekshelikter bar«, - dedi ol «Densaýlyq saqtaý salasynyń ashyqtyǵy: Jańa trendter aqparatqa qoljetimdilikke qalaı yqpal etedi« degen taqyryptaǵy onlaın pikirtalas barysynda.

Sarapshynyń atap ótýinshe, zań osydan 5 jyl buryn qabyldanǵan. Osy ýaqyttyń ishinde jańa qoǵamdyq qatynastar paıda boldy, olardy zańmen nemese zańnamalyq normatıvtik aktilermen nemese Densaýlyq týraly kodekspen retteý qajet.

»Bul sala nelikten qajet? Sebebi «Aqparatqa qoljetimdilik týraly» zańnyń 6-babynda densaýlyq saqtaýǵa baılanysty aqparattarǵa azamattardyń qoljetimdiligin shekteýge bolmaıtyndyǵy jazylǵan. ıAǵnı, zańda densaýlyq saqtaý salasynda oryn alǵan jaıttardyń barlyǵyna zańnamalyq, ózge de normatıvtik aktiler tarapynan shekteý bolmaıdy degen sóz«,- dedi Aısana Sman.

Foto: www.kz.undp.org