Aqparatqa qol jetkizý máseleleri jónindegi komıssııanyń kezekti otyrysy ótti
Onlaın formatynda ótken otyrysqa ortalyq memlekettik jáne jergilikti atqarýshy organdardyń, kvazımemlekettik sektordyń, úkimettik emes uıymdardyń ókilderi qatysty.
Otyrysta «Ashyq úkimet» portaldaryn tanymal etý jáne damytý jónindegi sharalar týraly aqparat tyńdaldy.
Jıyn barysynda jeke derekterdi qorǵaý máselesi de sóz boldy.
Tsıfrlyq damý, ınnovatsııalar jáne aeroǵarysh ónerkásibi mınıstrligi Aqparattyq qaýipsizdik komıtetiniń tóraǵasy R.Q. Ábdihalyqov jáne Іshki ister mınıstriniń orynbasary S.S.Sársenov jeke derekterdi qorǵaý jáne olarǵa qol jetkizý boıynsha qabyldanyp jatqan sharalar men problemalyq máseleler týraly baıandady.
Baıandamalardy qorytyndylaı kele, Aqparat jáne qoǵamdyq damý mınıstri atalǵan máseleni turaqty túrde jumys isteıtin sarapshylardy tartýmen ótetin dóńgelek ústelde talqylaýǵa shaqyrdy.
Otyrys barysynda «Zerde» UIKH AQ-men memlekettik organdardyń aqparattyq júıelerindegi derekterge júrgizilgen taldaýdyń qorytyndylary talqylandy.
Taldaý kórsetkendeı, birqatar memlekettik organdar «Ashyq derekter» portalynda ashyq derekter jıyntyǵyn der kezinde jarııalaýdy qamtamasyz etpeıdi (data.egov.kz).
Sondaı-aq, otyrysta «Ashyq úkimet» portaldaryn tanymal etý jáne damytý jónindegi sharalar týraly aqparat tyńdaldy.
Otyrys barysynda Qazaqstan Respýblıkasynyń salalyq zańnamasyn onyń aqparatqa qol jetkizý salasyndaǵy talaptarǵa, standarttar men qaǵıdattarǵa sáıkestigi turǵysynan tekserý qorytyndylary talqylandy.
«Rýhanı jańǵyrý» QQDI KEAQ Basqarma tóraǵasy D.N.Esınniń baıandamasynda: densaýlyq saqtaý, ekologııa, jer qatynastary, bilim berý, halyqty áleýmettik qorǵaý, qarjy salalary, sondaı-aq «halyq únine qulaq asatyn memleket» tetikteri boıynsha qoldanystaǵy zańnamany jetildirý perspektıvalary boıynsha usynystar aıtyldy.
Óz kezeginde, A.Balaeva zertteý nátıjeleri aqparatqa qol jetkizý salasyndaǵy zańnamany jetildirý qajettigin aıǵaqtaıtynyn atap ótti.
Komıssııa otyrysynyń qorytyndysy boıynsha memlekettik organdar men kvazımemlekettik sektor uıymdaryna «Ashyq úkimet» portaldarymen jumysty jetildirý boıynsha birqatar usynystar ázirlendi.
