Aqparat jáne kommýnıkatsııalar vıtse-mınıstri qyzmetine Alan Ájibaev taǵaıyndaldy

ASTANA. QazAqparat QR Aqparat jáne kommýnıkatsııalar vıtse-mınıstri qyzmetine Alan Ájibaev taǵaıyndaldy. Bul týraly elimizdiń Aqparat jáne kommýnıkatsııalar mınıstri Dáýren Abaev óziniń Feısbýktegi paraqshasynda habarlady.

«Qymbatty dostar! Myna bir eleýli jańalyqty ózderińizben bólisip qoıaıyn, aqparat salasyna jaýapty vıtse-mınıstr qyzmetine Alan Ǵazızuly Ájibaev taǵaıyndaldy.

Alan Ájibaevty jýrnalıster qaýymy etene tanıtyny anyq.

Eńbek jolyn ol 90-shy jyldardyń ortasynda «Maks» radıosynda qarapaıym radıojúrgizýshi qyzmetinen bastap, «31 arna» teleradıokompanııasynda baǵdarlamalar redaktory, keıinirek telejúrgizýshi boldy. Ár jyldary «Karavan» radıosyn basqardy, «TAŃ» teleradıokompanııasynda» jáne «Tengrı FM» radıosynda bas prodıýser boldy. Keıingi jyldary «Aıqyn» jáne «Lıter» qoǵamdyq-saıası gazetterin basqarǵanyn bilesizder.

Búgingi kúni bul sala boıynsha aldymyzda birqatar mańyzdy mindetter tur. Alan Ǵazızulynyń jýrnalıstik qyzmettegi mol tájirıbesi men biliktiligi osy mindetterdi tabysty júzege asyrýǵa negiz bolady dep senemin. Eńbeginiń jemisti bolýyna tilektespin!», - dep jazdy mınıstr.