Aqparat jáne qoǵamdyq damý salasyndaǵy Qoǵamdyq keńes quramy jańartyldy
Atap aıtqanda, «Qoǵamdyq keńester týraly» QR Zańyna sáıkes Qoǵamdyq keńes múshelerin saılaý týraly konkýrs ótkizilip, quramynyń úshten bir bóligi jańartyldy.
Konsýltatıvtik-keńesshi organnyń quramyna Qazaqstan Respýblıkasyndaǵy Adam quqyqtary jónindegi ýákil Elvıra Ázimova, QR Parlamenti Májilisiniń depýtaty Vera Kım, «Zertteu Research Institute» qoǵamdyq qorynyń dırektory Sholpan Aıtenova, Qazaqstandaǵy parlamentarızmdi damytý qorynyń prezıdenti Záýresh Battalova, «Ulttyq aýdarma bıýrosy» qoǵamdyq qorynyń dırektory Raýan Kenjehanuly, «Qazaqstannyń azamattyq alıansy» ZTB tóraǵasy Baný Nurǵazıeva, «Bilim-ınnovatsııa» halyqaralyq qoǵamdyq qorynyń prezıdenti Darhan Óte men «Ahyska» túrik etnomádenı ortalyǵynyń Nur-Sultan qalalyq fılıalynyń tóraǵasy Ásker Pırıev jáne t. b. belgili qaıratkerler men úkimettik emes sektordyń ókilderi kirdi.
Sonymen qatar, Qoǵamdyq keńestiń tóraǵasy Qýanysh Sultanov Qoǵamdyq keńestiń quramynda da, basshylyǵynda da rotatsııa júrgizý qajettigi týraly atap ótip, osyǵan baılanysty óziniń Qoǵamdyq keńes tóraǵasy retinde ókilettigin toqtatatynyn málimdedi.
Qýanysh Sultanovtyń pikirinshe, bul sheshim Qoǵamdyq keńestiń jumysyna jańa serpin beredi.
Aqparat jáne qoǵamdyq damý mınıstri Aıda Balaeva Qýanysh Sultanovqa jemisti jumysy úshin alǵysyn bildirdi.
Ashyq daýys berý barysynda Qoǵamdyq keńestiń tóraǵasy laýazymyna QR Parlamenti Májilisiniń depýtaty Darhan Myńbaı saılandy.
Qoǵamdyq keńes otyrysynyń barysynda 2021 jyldyń ekinshi jartyjyldyǵyna arnalǵan jumys jospary talqylandy. Qoǵamdyq keńes músheleri din salasynda júrgizilip jatqan memlekettik saıasat, ABQO qyzmeti jónindegi máselelerdi qaraý jáne «Halyq únine qulaq asatyn memleket» tujyrymdamasyn talqylaý týraly usynystar engizdi.
