Aqparat jáne qoǵamdyq damý mınıstrligine jańa mindetter júktelmek

ASTANA. QazAqparat – Aqparat jáne qoǵamdyq damý mınıstrligine birqatar jańa quzyret berilmek, dep habarlaıdy QazAqparat tilshisi.

AshyqNQA portalynda jarııalanǵan Úkimet qaýlysynyń-jobasynda jazylǵandaı, endi atalǵan vedomstvoǵa myna fýnktsııalar berilemek:

- ortalyq jáne jergilikti atqarýshy organdardyń onlaın-platformalar jáne onlaın-jarnama salasyndaǵy qyzmetin úılestirý;

- onlaın platformalarda paıdalanýshylar sanyn anyqtaý

- onlaın-platformalardyń menshik ıelerinen nemese zańdy ókilderinen QR sot aktileri, quqyq qorǵaý nemese arnaýly memlekettik organdarynyń suraý salýlary negizinde paıdalanýshylar týraly málimetterdi suratý;

- Úkimet usynatyn nemese iske asyratyn jobalar men bastamalarǵa oraı halyqpen keri baılanysyn ornatý jáne baǵalaý ádistemesin ázirleý, bekitý;

- jyl saıyn, 30 naýryzdan keshiktirmeı, Prezıdentke azamattardyń ótinishterin qaraý jáne onymen jumys isteý salasyndaǵy Ulttyq baıandamany daıyndaý jáne usyný;

- Qazaqstandaǵy onlaın-platformalar jáne onlaın-jarnama týraly zańnamasynyń saqtalýyna memlekettik baqylaý júrgizý;

- onlaın-platformalarǵa monıtorıng júrgizý;

- «Shańyraq» etnojýrnalıstıka salasyndaǵy syılyqty berý konkýrsyn ótkizý qaǵıdalary men nomınatsııalaryn ázirleý jáne bekitý;

- «Nauryz» ulttyq telehıkaıalar syılyǵyn berý jáne nomınatsııalaryn ázirleý jáne bekitý;

- «Zhas Project» jobasyn grantyn berý qaǵıdalaryn ázirleý jáne bekitý.

Qujat 28 shildege deıin kópshilik talqylaýda bolady. Keıin qol qoıý úshin Premer-Mınıstrge joldanady.

Eske sala keteıik, birneshe kún buryn Prezıdent Onlaın platformalar jáne onlaın jarnama týraly zańǵa qol qoıdy.