Aqparat jáne qoǵamdyq damý mınıstrligi barlyq memlekettik satyp alýdy ortalyqtandyrdy
«Aqparat jáne qoǵamdyq damý mınıstrligi sybaılas jemqorlyqqa qarsy sharalardy qabyldaý qajettigin túsinip, bul baǵytta belsendi jumys júrgizip jatyr. Atap aıtqanda, 2019 jyldyń aqpan aıynda mınıstrlik kelesi jumystary júrgizdi. Birinshisi - sybaılas jemqorlyq táýekelderin tómendetý maqsatynda mınıstrliktegi kadrlyq, zańdyq, qarjy qyzmetterin, satyp alý qyzmetterin ortalyqtandyrý týraly sheshim qabyldandy. ıAǵnı, komıtetter búgingi kúni bul fýnktsııalarmen aınalyspaıdy. Ózderiniń salalyq mindetterin iske asyrady. Al qalǵandarynyń bári ortalyqtandyrylǵan. Bizdiń oıymyzsha, bul, birinshi kezekte, bizdiń salalyq bólimshelerimizge ózderiniń strategııalyq saıası mindetterine tereńirek nazar aýdarýǵa múmkindik beredi. Ekinshi kezekte, árıne, bul óz qyzmetkerlerine qysym kórsetý elementterin joıýǵa jol ashady», - dedi Janat Qojahmetov.
Onyń aıtýynsha, mınıstrlikte sybaılas jemqorlyqqa qarsy is-qımyl boıynsha vedomstvolyq jospar ázirlenip, bekitilip qoıǵan. Sondaı-aq, mınıstrliktiń Sybaılas jemqorlyqqa qarsy standarttary bekitilgen. Jumysqa qabyldaý kezinde árbir jańa qyzmetker osy standarttarmen tanysyp, qol qoıady. Sybaılas jemqorlyqqa qarsy is-qımyl boıynsha júıeli negizde semınarlar ótkiziledi. Vedomstvolyq baǵynyshty uıymdarda sybaılas jemqorlyqqa qarsy is-qımyl kartasy qabyldanyp, quqyq buzýshylyqtardyń joqtyǵyn rastaıtyn qujattardy usynǵannan keıin ǵana vedomstvolyq baǵynyshty uıymdardyń basshylaryn taǵaıyndaý týraly sheshim qabyldanady. Baǵynyshty qyzmetkeri jemqorlyqpen ustalsa, basshysyn jumysqa shyǵarýǵa deıingi jaza bar.
Sonymen qatar, Janat Qojahmetov habarlaǵandaı, mınıstrlik sybaılas jemqorlyqqa qarsy is-qımyl agenttigimen birlesip, 2019-2020 jyldarǵa arnalǵan «Adaldyq alańy» jobasy júzege asyrylyp jatyr.
