Aqparat jáne qoǵamdyq damý mınıstri zańsyz mıtıngilerge qatysty aıtty
«Shynynda da, azamattardyń mıtıngisi ótti. Olardyń bári de sanktsııalanbaǵan. Biraq, osyǵan qaramastan, aktsııaǵa qatysýshylar erkin túrde ózderiniń qoǵamdyq pozıtsııasy men áleýmettik máseleler boıynsha oılaryn ashyq aıtty. Ózderińiz biletindeı, dál osyndaı sherýlerdi biz álemniń árbir túkpirinen kórip otyrmyz. Qazaqstanda ákimdik ókilderi mıtıngke jınalǵandardyń aldyna shyǵyp, olardyń shaǵymdaryn tyńdady. Biz konstrýktıvti dıalog júrgizýge daıynbyz», - dedi Dáýren Abaev
Mınıstr óz sózinde keıbir azamattardyń ustalǵanyn da rastady.
«Keıbir azamattar ózderin agressıvti ustady jáne soǵan sáıkes shara qoldanýǵa májbúr etti. Biraq, onyń aldynda olarǵa birneshe ret eskertý jasalǵanyn aıta ketý kerek. Búgingi tańda azamattarǵa osyndaı aktsııalardy zańdy túrde ótkizýge ruqsat alý úshin esh kedergi joqtyǵyn erekshe atap óter edim», - dedi ol.
Eske sala ketsek, keshe QR Іshki ister mınıstrligi elimizdiń birqatar qalalaryndaǵy sanktsııalanbaǵan mıtıngiler men adamdardyń jıynyna qatysty jaǵdaıǵa túsinik bergen bolatyn.
