Aqparat-nasıhat toby Joldaýdy túsindirý maqsatynda Túlkibas aýdanyna keldi
Aýdan ákimshiliginiń úlken zalynda ótken jıynǵa mekeme qyzmetkerleri, jastar, muǵalimder jáne aýyl turǵyndary qatysty. Memleket basshysynyń joldaýyn túsindirý jáne nasıhattaý maqsatynda qurylǵan aqparattyq-nasıhattyq top músheleri el turǵyndarynyń ómiri men sapaly turmysyn jaqsartýda, ekonomıkasy damyǵan, áleýeti joǵary memleket qalyptastyrýda osy Joldaýda qoıylǵan mindetterdiń mańyzyn túsindirip ótti.
Jıyndy aýdan ákiminiń orynbasary E.Kúzembaev júrgizip otyrdy. Basqosýda oblystyq nasıhat tobynyń músheleri, búginde barsha qazaqstanda joldaýdaǵy aldymyzǵa qoıylǵan mindetterdiń oryndalyp jatqanyn jáne joldaýdy nasıhattap halyqqa durys jaǵynan jetkize bilý barshamyzdyń mindetimiz ekenin atap ótti. Sonymen qatar pikir almasýǵa kelip otyrǵan azamattarǵa alǵystaryn bildirdi.
Kezdesý barysynda aýdandyq ardagerler keńesiniń tóraǵasy Sátbaı Qasymbek, Á.Naýaıy atyndaǵy jalpy orta mektebi dırektorynyń oqý isi jónindegi orynbasary Abzal Absemetov, aýdandyq mádenıet úıiniń ádiskeri Farhat Dýanabekov jaryssózge shyǵyp, óz pikirin bildirdi.