Aqparat mınıstrligine qarasty komıtet ataýy ózgerdi

ASTANA. QazAqparat - QR Aqparat jáne kommýnıkatsııalar mınıstrligine qarasty Baılanys, aqparattandyrý jáne buqaralyq aqparat quraldary salasyndaǵy memlekettik baqylaý komıtetiniń ataýy Telekommýnıkatsııalar komıteti bolyp ózgerdi, dep habarlaıdy QazAqparat «Ádilet» QR normatıvtik quqyqtyq aktileriniń aqparatyq-quqyqtyq júıesi saıtyna silteme jasap.

Aǵymdaǵy jyldyń 25 qarashasynda Qazaqstan Premer-Mınıstri Baqytjan Saǵyntaev «Qazaqstan Respýblıkasy Aqparat jáne kommýnıkatsııalar mınıstrliginiń keıbir máseleleri týraly» QR Úkimetiniń №773 qaýlysyna qol qoıdy. Atalǵan qujatqa sáıkes, «Qazaqstan Respýblıkasy Aqparat jáne kommýnıkatsııalar mınıstrliginiń Baılanys, aqparattandyrý jáne buqaralyq aqparat quraldary salasyndaǵy memlekettik baqylaý komıteti» respýblıkalyq memlekettik mekemesi «Qazaqstan Respýblıkasy Aqparat jáne kommýnıkatsııalar mınıstrliginiń Telekommýnıkatsııalar komıteti» respýblıkalyq memlekettik mekemesi bolyp ózgeredi.

Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.