Aqparat mınıstrligi «zııandy» kontentpen kúresýdiń joldaryn jarııalady
Internet-resýrstar men əleýmettik jeliler
Mınıstrlik ınternet keńistigine kúni-túni monıtorıng júrgizetinin aıtty. Eger de ınternet-resýrstardyń birinde zańǵa qaıshy materıaldar shyqsa, jekemenshik ıesine eskertý qaǵazy jiberiledi eken.
"Zańsyz materıaldardy óshirý məselesin jedel sheshý úshin Mınıstrlik eń tanymal sheteldik əleýmettik jelilerdiń əkimshiligimen baılanys ornatqan", - dep habarlady búgin Mınıstrliktiń baılanys, aqparattandyrý jəne BAQ salalaryn memlekettik baqylaý komıtetiniń tóraǵa orynbasary Mıhaıl Komıssarov.
Məselen, 2016 jyly 110 myńnan asa zańǵa qaıshy materıal joıylǵan eken. Al, 2017 jyldyń basynan beri "VKontaete" jəne Instagram jelilerinde sýıtsıdke ıtermeleıtin materıaldary bar 237 paraqsha buǵattalǵan.
Messendjerler
"Erte me, kesh pe, sol əleýmettik jelidegi zańǵa qaıshy aqparat messendjer arqyly jəne kerisinshe messendjerden qaıta əleýmettik jelige tarap ketedi. Sondaı aqparattar anyqtalǵan jaǵdaıda biz ýəkiletti organdy, ıaǵnı, ishki ister mınıstrligin qulaǵdar etemiz. Іshki ister mınıstrligi taraǵan aqparattyń ras-ótirigin tekseredi", - dedi Komıssarov.
VPN jəne anonımaızerler
Komıssarovtyń aıtýynsha, buǵattalǵan saıttardyń osyndaı túrlerimen kúresý - ınternettegi baqylaýdyń eń qıyny.
"Zańǵa qaıshy kontentpen kúresý turǵysynda biz tehnıkalyq múmkindigimizdi jetildirgen saıyn buǵattalǵan saıttardy ashatyn, qaıtadan zańsyz kontent toltyratyn balama joldar shyǵa keledi. Mysaly, VPN nemese anonımaızerler. Degenmen, anonımaızerlerdiń məselesin sheshtik deýge bolady, alaıda, olardy anyqtaǵan saıyn, qaıta paıda bola beretini de shyndyq", - deıdi ol.
