Aqparat mınıstrligi úzdik áleýmettik rolıktiń stsenarııine baıqaý jarııalady

ASTANA. QazAqparat - QR Aqparat jáne kommýnıkatsııalar mınıstrligi úzdik áleýmettik rolıktiń stsenarııine baıqaý jarııalady. Bul týraly vedomstvo basshysy Dáýren Abaev Feısbýktegi paraqshasynda habarlady.

«Qymbatty dostar! Aqparat jáne kommýnıkatsııalar mınıstrligi seriktestermen birlesip, áleýmettik rolıktiń úzdik stsenarııi úshin «Nıet» baıqaýyn jarııalaıdy» dep jazylǵan habarlamada. 

Mınıstr keltirgen málimet boıynsha, baıqaýdyń bas júldesine 1 mıllıon teńge jáne rolıkti belgili rejısser Aqan Sataevtyń prodıýserligimen túsirý múmkindigi beriledi.

Sondaı-aq, Dáýren Abaev baıqaýdyń qazylar alqasy quramyn atap ótti.

«Menimen birge baıqaýdyń qazylar alqasyna «Qazaqstan» RTRK» AQ basqarma tóraǵasy Erlan Qarın, «Habar agenttigi» AQ basqarma tóraǵasy Almagúl Ahmetjanova, Qazmedıa medıamektebiniń dırektory Mahabbat Esen jáne Standard Life aktsıoneri Dáýren Kúmpeıisov qosylyp otyr. Baıqaýǵa kez kelgen adam qatysa alady» delingen habarlamada.