Aqparat mınıstrligi shekara mańyndaǵy aýmaqtarda habar taratý jelisin damytyp jatyr

NUR-SULTAN. QazAqparat - QR Aqparat jáne qoǵamdyq damý mınıstri Aıda Balaeva elimizdiń shekara mańyndaǵy aýmaqtarda habar taratý jelisin damytý jumystaryn aıtty, dep habarlaıdy QazAqparat tilshisi.

«Bıyl bizdiń aldymyzda júzege asyrylatyn mańyzdy mindetter tur. Onyń ishinde eń bastylarynyń biri – memlekettiń aqparattyq qaýipsizdigin qamtamasyz etý jáne aqparattyq-ıdeologııalyq jumystar», - dedi A. Balaeva mınıstrliktiń keńeıtilgen alqa májilisinde.

Onyń aıtýynsha, shekara mańyndaǵy aýmaqtar boıynsha tıisti jumystar bastaldy. Osyǵan deıin bul taqyryp ózekti bolǵan edi.

«Shekara mańyndaǵy aýmaqtarda memlekettik radıohabar taratý jelisin damytý boıynsha Jol kartasy ázirlendi. Radıojıilikterge tıisti konkýrs jarııalandy. Basymdyqty tártipte aqparattyq-analıtıkalyq baǵyttaǵy baǵdarlamalar qaralatyny túsinikti», - dedi vedomstvo basshysy.