Aqparat mınıstrligi qoǵamdyq qabyldaý bólmesin ashty

NUR-SULTAN. QazAqparat - Qasym-Jomart Toqaevtyń saılaýaldy baǵdarlamasyn júzege asyrý aıasynda Aqparat jáne qoǵamdyq damý mınıstrliginde qoǵamdyq qabyldaý bólmesi ashyldy. Bul jóninde mınıstrlikke silteme jasap QazAqparat habarlaıdy.

Qabyldaý bólmesi ár aıdyń sońǵy sársenbisinde saǵat 11.00-den 13.00-ge deıin jumys isteıdi. Osy ýaqytta Nur-Sultan qalasyndaǵy «Qazmedıa ortalyǵy» ǵımaratynda tıisti vıtse-mınıstrler, mınıstrliktiń qurylymdyq bólimsheleri men vedomstvolyq baǵynysty uıym basshylary kópshiliktiń suraqtaryna jaýap beredi.

«30 qazanda biz barshańyzdy jumysymyzǵa qatysty máseleler boıynsha óz pikir-usynys, tilekterińizdi bildirýge shaqyramyz. Biz árqashan ashyq jáne syndarly dıalogqa daıynbyz» dep málim etti mınıstrlikten.

Mınıstrliktiń resmı saıtynda nemese myna telefon nómiri arqyly aldyn ala jazylýǵa bolady: 8 [phone].