Aqparat mınıstrligi Qazaqstannyń tutastyǵyna qatysty daýly jarııalanymǵa túsinik berdi

ASTANA. QazAqparat - «Grıgorıı Mıronov: Eger Qazaqstan federatsııa bolmasa, ony Ýkraınanyń taǵdyry kútip tur» degen maqala qazaqstandyq ınternet qoldanýshylar tarapynan jaǵymsyz reaktsııa týdyrdy. 

Osy materıalǵa qatysty Aqparat jáne kommýnıkatsııalar mınıstrliginiń Baılanys, aqparattandyrý jáne BAQ salasyndaǵy memlekettik baqylaý komıteti «Memlekettik tehnıkalyq qyzmet» RMK-ǵa atalmysh maqalany buǵattaý sharalaryn qoldanyp, sondaı-aq ony Qazaqstan aýmaǵynda jarııalaǵan sheteldik saıttarda taralýyn toqtatý boıynsha nusqama joldady.
Bul týraly Qazaqstan Respýblıkasy Aqparat jáne kommýnıkatsııalar mınıstrliginiń Baılanys, aqparattandyrý jáne BAQ salasyndaǵy memlekettik baqylaý komıtetiniń tóraǵasy Ádil Qojyqov habarlady. Ol atap ótkendeı, Forbes.kz qazaqstandyq basylymyna redaktorlyq baqylaýdy kúsheıtip, bolashaqta Qazaqstan Respýblıkasynyń tutastyǵyn, memlekettik qaýipsizdigin buzatyn,  ekstremızmdi, ultaralyq jáne dinaralyq arazdastyqty týdyratyn nasıhattaý materıaldaryn jarııalaýǵa jol bermeý týraly eskertý hat joldandy.