Aqparat mınıstrligi Coronavirus2020 mobıldi qosymshasyn jasap shyǵardy

NUR-SULTAN. QazAqparat – QR Aqparat jáne qoǵamdyq damý mınıstrligi Qazaqstandaǵy COVID-19 jaǵdaıy týraly jedel aqparat berý úshin Coronavirus2020 mobıldi qosymshasyn jasap shyǵardy, dep habarlaıdy QazAqparat.

Qosymsha arqyly turǵyndar Qazaqstandaǵy COVID-19 jaǵdaıy týraly jedel aqparatty ýaqtyly bile alady. Ázirge Coronavirus2020.kz saıtynan qosymshany kompıýterge júkteýge bolady jáne jaqyn arada iOS (App Store) pen Android (Play market) platformalarynda qoljetimdi bolady.

Qosymshada tómendegideı aqparat bolady:

- Koronavırýsty taratpaý úshin memleket qabyldap jatqan sharalar;

- Іndetten saqtaný jáne aldyn alý sharalary;

- Koronavırýspen aýyrǵan jáne jazylǵan adamdardyń jedel statıstıkalyq derekteri;

- Nur-Sultan, Almaty, Shymkent jáne oblys ortalyqtaryndaǵy Call-ortalyq nómirleri;

- Túrli jaǵdaılarda jasalatyn sharalar algorıtmi;

- Eldegi barlyq shekteý sharalary;

- Jańalyqtar lentasy;

- COVID-19 týraly eń jıi qoıylatyn suraqtarǵa broshıýra men beınerolık túrindegi jaýaptar.