Aqparat mınıstrligi áleýmettik jelini qalaı qadaǵalaıdy

ASTANA. QazAqparat – Elimizde áleýmettik jelilerdegi jarııalanymdar qalaı qadaǵalanatyny aıtyldy, dep habarlaıdy QazAqparat tilshisi.

Ortalyq kommýnıkatsııalar qyzmeti alańynda ótken baspasóz máslıhatynda Aqparat jáne qoǵamdyq damý vıtse-mınıstri Danııar Qadyrovqa «Mınıstrlik áleýmettik jelilerdegi aqparattardy qadaǵalaý maqsatynda qandaı jumystar atqaryp jatyr?» - degen saýal qoıyldy.

«Eger áleýmettik jelilerde quqyq buzýshylyq jasalsa, ol zań aıasynda qaralady. Memlekettiń tutastyǵyna, Konstıtýtsııaǵa qaıshy, ultaralyq jáne dinaralyq arazdyq týyndatatyn jazba bolsa, biz ony quqyq qorǵaý organdarynyń qaraýyna usynamyz. Jelidegi jazbanyń zańǵa qaıshylyǵy dáleldengen jaǵdaıda buǵattalady», - dep jaýap berdi mınıstr orynbasary.

Odan bólek, vıtse-mınıstr áleýmettik jelilerdegi sýıtsıd jáne LGBT týraly jarııalanymdarǵa qatysty pikir bildirdi.

«Mınıstrlik atalǵan máselelerdi zań sheńberinde qadaǵalap otyr. Qazir mas-medıa týraly zań qoǵamnyń ashyq talqylaýynan ótip jatyr. Onyń ishinde áleýmettik jeliler jumysy da bar. Jańa zań jobasy 27 qańtarǵa deıin ashyq talqyda bolady. Sondyqtan, usynystar bolsa qaraýǵa ázirmiz», - dedi Danııar Qadyrov.

Foto: ortcom.kz