Aqparat mınıstri Asqar Ýmarov Qazaqstandaǵy «Internews Network» ókilderimen kezdesti

NUR-SULTAN. QazAqparat - Búgin QR Aqparat jáne qoǵamdyq damý mınıstri Asqar Ýmarov Qazaqstandaǵy «Internews Network» ókildigimen onlaın kezdesý ótkizdi, dep habarlaıdy atalǵan vedomstvonyń baspasóz qyzmeti.

Kezdesýge ókildik dırektory Marat Bıgalıev, medıasaýattylyq jónindegi óńirlik keńesshi Gúlnar Asanbaeva, medıaquqyq jónindegi óńirlik keńesshi Olga Dıdenko, sondaı-aq Mınıstrliktiń aqparat salasy máselelerine jaýapty qyzmetkerleri qatysty.
Kezdesý barysynda medıa salasynyń mamandaryn oqytý, aqparatqa qol jetkizý, medıasaýattylyq jáne medıaetıka salasyndaǵy jobalardy iske asyrý máseleleri talqylandy.

Taraptar ózara yntymaqtastyqty odan ári damytýǵa nıet bildiristi.