Aqparat komıtetiniń tóraǵasy shymkenttik jýrnalıstermen kezdesti

ShYMKENT. QazAqparat - Búgin Shymkentke Prezıdent Joldaýyn nasıhattaý boıynsha respýblıkalyq aqparattyq-nasıhattyq top ókilderi arnaıy saparmen keldi, dep habarlaıdy QazAqparat tilshisi.

Aqparattyq toptyń quramynda kelgen QR Aqparat jáne kommýnıkatsııalar mınıstrligi Aqparat komıtetiniń tóraǵasy Erjan Núkejanov jergilikti BAQ ókilderimen kezdesip, «Elbasynyń halyqqa arnaǵan Joldaýyn nasıhattaýda BAQ jáne áleýmettik jelilerdiń róli» taqyrybyndaǵy basqosýǵa qatysty. 

Jýrnalıster odaǵy oblystyq fılıalynyń tóraıymy Aıgúl Qapbarova men jergilikti BAQ basshylary, bas redaktorlary, tilshiler qatysqan jıynda Joldaýdy nasıhattaýdaǵy BAQ-tyń róli máselesi sóz boldy.

Basqosýda Erjan Núkejanov sóz sóılep, jýrnalısterdiń óz quqyqtaryn men mindetterin bilýi mańyzdy ekenin atap ótti. Ashyq dıalog túrinde uıymdastyrylǵan jıynda jýrnalıster óz usynystary men oı-pikirlerin ortaǵa saldy.

Sondaı-aq, jıynda tilshiler qaýymynyń memlekettik organ ókilderimen, baspasóz hatshylarmen jumys isteýi, jýrnalısterdiń óz quqyqtaryn bilýi sııaqty ózekti máseleler talqylandy. Mınıstrlik ókiline memlekettik jáne jekemenshik BAQ ókilderi ózderin tolǵandyrǵan birqatar saýaldaryn qoıdy. Aqparat komıtetiniń tóraǵasy olardyń birqataryna sol jerde jaýap berip, birqataryn vedomstvoda talqyǵa salatynyn jetkizdi.