Aqparat agenttikteri Google men Facebook-ti avtorlyq quqyqty buzǵany úshin aıyptady
Eýropa jańalyqtar agenttikteri uıymy (EANA) Google men Facebook-ti jańalyq materıaldaryn jáne kontentti paıdalanǵandary úshin aqy tóleý qajettigi týraly eskertip, málimdeme jasady.
EANA-ǵa Eýropanyń 18 jetekshi aqparat agenttigi, sonyń ishinde «Anadolý» agenttigi kiredi.
Málimdemede kórsetilgendeı, ınternet alpaýyttar jańalyq taratatyn BAQ-tardyń kontentin qoldaný arqyly jarnamalardan kóp tabys tabady.
Osyǵan baılanysty agenttik basshylary Eýroparlamentti avtorlyq quqyq týraly EO aktilerine ózgerister engizýge shaqyrdy.
EANA-nyń atap ótýinshe, 2017 jyly Facebook pen Google sáıkesinshe 16 mlrd jáne 12,7 mlrd dollar tabys tapqan.
«Biz jańalyqtar materıaldaryn paıdalanatyndar ádil aqy tóleýi qajettigi týraly aıtyp otyrmyz. EO zań shyǵarýshylary Eýropadaǵy erkin baspasóz úshin jáne demokratııalyq qundylyqtar úshin avtorlyq quqyq reformasyn ilgeri jyljytýy qajet. Google men Facebook kompanııalary bul úshin aqf tólemesten asa úlken kólemdegi kontentti qoldanyp jatyr. Al, ony baspagerler men aqparat agenttikteri úlken shyǵynmen jasaıdy», - delingen málimdemede.
12 qyrkúıek kúni Eýroparlament shyǵarmashylyq kontentti paıdalanǵandary úshin iri ınternet-kompanııalardyń aqy tóleýin kózdeıtin zań jobasyn qaıta qarastyrady.
