Aqpannyń ərbir kúninde qazaqstandyqtarǵa 16 Lada satylyp otyrǵan
ASTANA. QazAqparat - Qazaqstannyń "QazAvtoÓnerkəsip" avtokólik salasyndaǵy kəsipkerler odaǵy 2017 jyldyń aqpan aıynda Qazaqstan naryǵynda satylǵan jańa kólikter sanyn jarııa etti, dep habarlaıdy QazAqparat.
Aqpan aıynda Qazaqstandaǵy resmı dılerlerdiń ortalyqtary 2567 kólik satqan eken. Jalpy, jyl basynan beri Qazaqstan azamattary jalpy quny 114 mln dollar turatyn 4855 jańa kólik satyp alǵan.
Qazaqstandyqtar arasynda suranysqa ıe avtokólik markasy - Lada. 2017 jyldyń aqpan aıynda Lada markaly 467 kólik satylǵan. ıAǵnı, aqpannyń ərbir kúninde ortasha eseppen 16 Lada satylyp otyrǵan. Qazaqstandyqtardyń arasynda suranysqa ıe ekinshi marka - Toyota kompanııasynyń kólikteri. Aqpanda 465 Toyota markaly kólik satylǵan. Úshinshi orynda Renault markasynyń kólikteri tur, aqpanda elimiz boıynsha sý jańa 238 Renault kólikteri satylǵan. Tórtinshi orynda Ravon markasy (aqpanda 159 kólik), al besinshi orynda Hyundai (154 kólik) markasy tur.
