Aqpannyń 2-si kúngi aýa raıy boljamy
NUR-SULTAN. QazAqparat – «Qazgıdromet» RMK aqpannyń 2-si kúngi aýa raıy boljamyn jarııa etti, dep habarlaıdy QazAqparat.
«Qazgıdromet» kásipornynyń málimetterine qaraǵanda, Qazaqstannyń basym bóligi áli de bolsa antıtsıklonynyń yqpalynda. Soǵan baılanysty elimizdiń basym bóliginde jaýyn jaýmaıdy.
Eldiń tek batysy, soltústik-batysynda ǵana atmosferalyq aǵyndardyń yqpalynan jaýyn-shashyn bolýy yqtımal. Sondaı-aq keı jerlerde tuman túsip, kóktaıǵaq bolyp, ońtústik-shyǵystan soqqan jel kúsheıe túsýi múmkin.
Shyǵys Qazaqstan oblysynyń keı jerlerinde tuman túsip, Jarma aýdanynda jel 15-20 m/s jyldamdyqpen soǵady.
Almaty oblysynyń túnde jáne tańerteń keı jerlerinde tuman túsýi yqtımal. Jalańashkól aýdanynda jel 17-22 m/s jyldamdyqpen soǵyp, ekpini 27 m/s-ke jetedi.
Jambyl, Túrkistan oblystarynyń keı jerlerinde tuman túsip, kúndiz jeldiń jyldamdyǵy sekýndyna 15-20 metrge jetedi.
Qyzylorda, Batys Qazaqstan, Aqmola, Aqtóbe, Qostanaı, Pavlodar, Qaraǵandy, túnde jáne tańerteń Soltústik Qazaqstan oblystarynyń keı jerlerinde tuman túsedi.
Mańǵystaý, Atyraý oblystarynyń keı jerlerinde tuman, kóktaıǵaq bolady.
