Aqpannyń sońynda ońtústik óńirlerde tasqyn belgileri baıqalýy múmkin - TJM

ASTANA. KAZINFORM – Tótenshe jaǵdaılar mınıstri Shyńǵys Árinov aqpan aıynyń aıaǵynda ońtústik óńirlerde tasqyn belgileri baıqalýy múmkin ekenin aıtty.

«Byltyr jeltoqsanda jaýyn-shashyn kóp boldy. Qar túsken joq dese de bolady. Osy ylǵaldyń bári jerge sińdi jáne kenet tasqyn kórinisteri bolýy múmkin dep topshylaımyz. Ońtústik óńirlerde aqpannyń aıaǵynda, naýryzdyń basynda soltústik óńirlerde dep boljap otyrmyz. Jergilikti basshylarmen, ákimderdiń jaýapty orynbasarlarymen baılanystamyz. Qalǵanyn kóktemde kóremiz», - dedi ol.

Mınıstrlik mamandary bul jaýapqa qosymsha «Qazgıdromettiń» boljamdaryn jarııa etti.

Atalǵan boljam boıynsha tasqyn qaýpi kúrdeli óńirlerdiń qatarynda Aqmola, Aqtóbe, Almaty, Atyraý, Shyǵys Qazaqstan, Batys Qazaqstan, Qaraǵandy, Qostanaı, Soltústik Qazaqstan, Túrkistan, Abaı, Ulytaý oblystary kirip otyr.