Aqpanda kúnkóristiń eń tómengi deńgeıi 17 myń 96 teńge boldy - Statıstıka
ASTANA. 1 naýryz. QazAqparat - 2013 jylǵy aqpanda elimizde kúnkóristiń eń tómengi deńgeıiniń shamasy 17 myń 096 teńgeni qurady. Bul týraly Statıstıka agenttiginiń baspasóz qyzmetinen habarlandy.
Negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2013 jylǵy aqpanda ótken aımen salystyrǵanda 1,7 paıyzǵa, 2012 jylǵy aqpanmen salystyrǵanda 7,1 paıyzǵa ósken. Al onyń qurylymynda et pen balyqty satyp alýǵa jumsalǵan shyǵystardyń úlesi 23,5 paıyzdy, sút, maı jáne toń maı ónimderi men jumyrtqa - 16,4 paıyzdy, jemister men kókónisterdi - 10,3 paıyz, nan jáne jarma ónimderi - 7,7 paıyzdy, qant, shaı jáne dámdeýishter - 2,1 paıyzdy quraǵan.
