Aqpanda kún raıy qandaı bolady?

Aqpan aıynda Qazaqstanda kún raıynyń turaqsyz sıpaty boljanyp otyr. Bul týraly «Qazgıdromet» RMK-nan habarlady, dep jazady Kazinform agenttiginiń tilshisi. 

«Aqpanda eldegi temperatýralyq fon normadan 1-2 gradýs joǵary bolatyny boljanyp otyr. Alaıda jekelegen kúnderi qańtar aıyndaǵydaı aıaz túsip, túnde -20,-28 gradýs, kúndiz -10, -15 gradýsqa deıin sýytady», - dep habarlady «Qazgıdromet» RMK uzaq merzimdi kún raıy basqarmasynyń bastyǵy Juldyz Isabekova.

Budan basqa, kelesi aıdyń keıbir kúnderinde ońtústik tsıklondardyń paıda bolýymen jylymyq aýa temperatýrasynyń kúndiz soltústik oblystarda sál ǵana, al ońtústik oblystarda +5, +15 gradýsqa deıin kóterilýi boljanyp otyr.