Aqpanda iz-túzsiz joǵalǵan atyraýlyq jigittiń denesi tabyldy
ATYRAÝ. QazAqparat – Aqpan aıynda iz-túzsiz joǵalyp ketken atyraýlyq jigittiń denesi tabyldy, dep habarlaıdy QazAqparat.
Budan buryn habarlaǵanymyzdaı, Atyraý qalasyna ornalasqan Qaıyrshaqty aýylynyń turǵyny Naýryz Áıtekeshev 5 aqpanda úıinen shyǵyp ketip, qaıta oralmaǵan. Al, 6 aqpanda keshten bastap polıtsııa men qutqarýshylar 30 jastaǵy jigitti izdeýge kiristi. Alaıda osy kezge deıin onyń esh deregi shyqpaǵan edi.
Oblystyq polıtsııa departamenti baspasóz qyzmetiniń málimetinshe, eki aıdan astam izdeýde bolǵan jigittiń denesi ótken senbide, 17 sáýirde saǵat 13:00 shamasynda tabylǵan.
«Joǵalǵan jigittiń denesi «Atyraý-Inder» baǵytyndaǵy jol boıynda, Talqaırań eldi mekeni aýmaǵynda ornalasqan sharýa qojalyǵynyń konteınerinen tabyldy. Múrdeni qaraý kezinde dene jaraqaty baıqalmady. Múrde saraptamaǵa tapsyryldy» -dep habarlady departamenttiń baspasóz qyzmetinen.
