Aqpanda halyqtyń aqshalaı tabysy 6,5 paıyzǵa ósti

NUR-SULTAN. QazAqparat - 2020 jylǵy naýryzda bir qyzmetkerdiń ortasha aılyq ataýly jalaqysy baǵalaý boıynsha 196 716 teńgeni boldy. Mundaı derekti QR UEM Statıstıka komıteti usyndy, dep habarlaıdy QazAqparat.

«2020 jylǵy aqpandaǵy halyqtyń orta eseppen jan basyna shaqqandaǵy ataýly aqshalaı tabystary baǵalaý boıynsha 109 733 teńgeni (aldyn ala derekter) qurady. Bul 2019 jylǵy aqpandaǵa qaraǵanda 12,9 paıyzǵa joǵary. Al naqty aqshalaı tabys kórsetilgen kezeńde 6,5 paıyzǵa artty»,- dedi komıtetten.

Vedomstvo málimetinshe, 2020 jylǵy naýryzda bir qyzmetkerdiń ortasha aılyq ataýly jalaqysy baǵalaý boıynsha 196 716 teńgeni boldy.

Al 2020 jylǵy naýryzda jumyssyzdar sany baǵalaý boıynsha 442,6 myń adamdy qurady. Jumyssyzdyq deńgeıi jumys kúshi sanyna 4,8 paıyz boldy. Jumyspen qamtý organdarynda jumyssyzdar retinde tirkelgen adamdar sany 2020 jylǵy naýryzdyń sońyna 149,8 myń adamǵa nemese jumys kúshiniń 1,6 paıyzyna teń.