Aqpanda elimizdegi jumyssyzdyq deńgeıi 5,5 paıyzdy qurady - Statıstıka
Vedomstvonyń alǵa tartqan derekterine sáıkes, respýblıka ekonomıkasynda 2013 jylǵy aqpanda (baǵalaý boıynsha) 8,6 mln. adam jumyspen qamtyldy. Ótken jylǵy sáıkes kezeńge qaraǵanda, olardyń sany 81,0 myń adamǵa nemese 1,0 %-ǵa kóbeıdi. Jaldamaly qyzmetkerlerdiń sany atalǵan kezeńde 5,9 mln. adamdy (jumyspen qamtylǵandardyń jalpy sanynan 68,8 %) qurady.
2013 jylǵy aqpanda jumyssyzdar sany, baǵalaý boıynsha 493,2 myń adam boldy, jumyssyzdyq deńgeıi - 5,5 %. Qazaqstan Respýblıkasy Eńbek jáne halyqty áleýmettik qorǵaý mınıstrliginiń jumyspen qamtý organdarynda 2013 jylǵy aqpan aıynyń sońyna 55,0 myń adam («Jumyspen qamtý baǵdarlamasy-2020» qatysatyndar quramyna engizilgen tulǵalardyń esebinsiz) resmı tirkelgen. Tirkelgen jumyssyzdar úlesi ekonomıkalyq turǵydan belsendi halyqtyń 0,6 %-yn qurady (2012 j. aqpanda - 0,6%).