Aqpanda bir qyzmetkerdiń ortasha aılyq ataýly jalaqysy 98 736 teńgeni qurady
ASTANA. 15 naýryz. QazAqparat - 2013 jylǵy aqpanda bir qyzmetkerdiń ortasha aılyq ataýly jalaqysy 98 736 teńgeni qurady. Ataýly jalaqy ındeksi 2012 jylǵy aqpanǵa 106,9%, al naqty jalaqy ındeksi 99,9% deńgeıinde boldy. Bul týraly búgin QR Statıstıka agenttiginiń málimetterinde habarlandy.
Salalyq qurylymda eń úlken jalaqy qarjy jáne saqtandyrý qyzmetinde - 201,8 myń teńge (ortasha respýblıkalyq deńgeıden 2 esege asady), kásibı, ǵylymı jáne tehnıkalyq qyzmette - 191,0 myń teńge (1,9 ese) jáne ken óndirý ónerkásibi men karerlerdi qazýda - 180,3 myń teńge (1,8 ese) kóleminde belgilendi. Eń tómengi jalaqy aýyl, orman jáne balyq sharýashylyǵy qyzmetkerlerinde belgilendi - 47,1 myń teńge, bul respýblıka boıynsha orta kórsetkishten 52,3%-ǵa tómen.
Óńirlik bóliniste eń joǵarǵy jalaqy Atyraý oblysynda belgilendi - 172,0 myń teńge, bul ortasha respýblıkalyq kórsetkishten 1,7 esege asady. Soltústik Qazaqstan oblysynda munyń shamasy 68,0 myń teńgeni qurady, bul el boıynsha ortasha deńgeıden 31,2%-ǵa tómen.
