Aqpanda benzın baǵasy 3,2 paıyzǵa qymbattady
ASTANA. QazAqparat - 2017 jylǵy aqpanda ótken jylǵy jeltoqsanmen salystyrǵanda óndirýshi kásiporyndar baǵasy 6,7 paıyzǵa joǵarylady, dep habarlaıdy QazAqparat.
QR Ulttyq ekonomıka mınıstrligi Statıtıstıka komıtetiniń derekterine sáıkes, ken óndirý ónerkásibinde - 11,5, óńdeý ónerkásibinde 1,6-ǵa joǵarylaý baıqaldy. Óndirilgen ónim - 7, óndiristik sıpattaǵy qyzmetter 4,3 paıyzǵa qymbattady.
«Jyl basynan bergi kezeńde óndirýshi kásiporyndar baǵasy metall kenderine - 14,6, munaıǵa - 12,7, tabıǵı gazǵa - 7,6, kómirge - 3,7, benzınge - 3,2, dızel otynyna - 2,5, suıytylǵan propan jáne býtanǵa 1 paıyzǵa joǵarylady. Baǵanyń ferroqorytpalarǵa - 10,7, qara metaldar ılegine 2,5 paıyzǵa joǵarylaýy, asyl metaldarǵa 3,1 paıyzǵa tómendeýi tirkeldi»,- delingen aqparatta.
Sonymen qatar komıtet óndirýshiler baǵasynyń shaıǵa - 5,3, sút ónimderine - 4,1, qara bıdaı unyna - 2,7, mal etine - 2,3, nanǵa - 0,9, margarınge 0,8 paıyzǵaǵa joǵarylaýy, al qantqa - 4,9, jarmalarǵa - 3,5, balyqqa - 3,1, bıdaı unyna - 2,1, ósimdik maıyna 0,9 paıyzǵa tómendeýi baıqalǵanyn atap ótken.
