Aqpanda azyq-túlik taýarlarynyń baǵasy 5 paıyzǵa ósti
ASTANA. 1 naýryz. QazAqparat - 2013 jylǵy aqpanda elimizdegi azyq-túlik taýarlarynyń baǵasy 2012 jylǵy aqpanmen salystyrǵanda 5 paıyzǵa ósti. Bul týraly Statıstıka agenttiginiń baspasóz qyzmetinen habarlandy.
Agenttik málimetterine qaraǵanda, esepti kezeńde unnyń baǵasy 12,4 paıyzǵa, makaron ónimderine - 10 paıyz, balyq jáne teńiz, toqash jáne un ónimderine - 5,4 paıyzdan, kofe, shaı jáne kakaoǵa - 5,8 paıyzǵa, kondıterlik ónimderge - 4,2 paıyz, alkogoldi ishimdikterge - 4,8 paıyz, jemister men kókónisterge - 8 paıyz, sút ónimderine - 3,9 paıyz, nanǵa - 2,5 paıyzǵa ósken. Sonymen birge, baǵanyń jarmalarǵa 21,5 paıyzǵa, qantqa - 2,1 paıyzǵa tómendeýi baıqalǵan.
Budan bólek, aqpan aıynda byltyrmen salystyrǵanda et jáne et ónimderi baǵasynyń ósimi 6,4 paıyzdy qurady. Shoshqa etine baǵa deńgeıi 8,5 paıyz, qoı etine - 7,2 paıyz, sıyr etine - 7 paıyz, jylqy etine - 6,8 paıyz, qus etine - 5,1 paıyz, shujyq ónimderine - 4,3 paıyzǵa joǵary boldy.
