Aqpanda Aqtóbedegi 6 aýyldyq okrýgtiń ákimi saılanady

AQTÓBE. KAZINFORM – Aqtóbede aýyldyq okrýgterdiń ákimine kandıdattardy tirkeý merzimi aıaqtaldy. Barlyǵy tórt aýdannyń 7 aýyldyq okrýginde saılaý ótedi.

Aqtóbe oblysyndaǵy 4 aýdannyń aýmaqtyq saılaý komıssııasy 7 aýyldyq okrýg ákimderin saılaýdy 11 aqpanǵa taǵaıyndady. Qobda aýdanynyń Sarbulaq, Sógáli, Muǵaljar aýdanynyń Q. Jubanov aýyldyq okrýginde, Hromtaýdyń, Abaı jáne Bógetsaı, Shalqar aýdanynyń Kishiqum jáne Toǵyz aýyldyq okrýgterinde ákim saılanady.

Aýyldyq okrýg ákimine kandıdattar usyný 4 qańtarda bastalyp, aıaqtaldy.

– Saılaý naýqany bastalǵannan beri 31 adam usynyldy. 4 úmitker óz ótinishi boıynsha kandıdatýrasyn alyp tastady. Al bireýi sáıkestik rásiminen ótpeı qaldy. Sóıtip barlyǵy 26 kandıdat tirkeldi. Onyń ishinde beseýi «AMANAT» partııasynyń, ekeýi «Aqjol» partııasynyń usynýymen tirkeldi. Al qalǵan 19 adam ózin-ózi usynýshy. Ortasha básekelestik bir okrýgte 4 adamnan. Kandıdattardyń ortasha jasy 35, eń jasy 30-da, jasy úlkeni 50-de,- dep habarlady Aqtóbe oblystyq aýmaqtyń saılaý komıssııasy.

Aıta keteıik, Aqtóbe oblysyndaǵy aýyldyq okrýg ákimderiniń saılaýy 11 aqpanda ótedi.