Aqpan aıynyń úzdik sportshysy anyqtaldy
NUR-SULTAN. QazAqparat - Qazaqstan Ulttyq Olımpıadalyq komıtetiniń resmı saıtynda aqpan aıynyń úzdik sportshysyn anyqtaýǵa arnalǵan daýys berý merzimi aıaqtaldy.
«Aqpan aıynyń úzdik sportshysy» ataǵyn erkin kúres sheberi Danııar Qaısanov ıelendi. Úzdik atanýǵa jalpy esebi 10 sportshy úmitker bolǵan. Olar: Danııar Qaısanov (erkin kúres), ıÝsýp Batyrmýrzaev (erkin kúres), Tamerlan Shadýkaev (grek-rım kúresi), Tatıana Ahmetova (áıelder kúresi), Jámıla Baqbergenova (áıelder kúresi), Jansaı Smaǵulov (dzıýdo), Mılad Karımı (sporttyq gımnastıka), Dmıtrıı Reıherd (frıstaıl-Mogýl), Abzal Ájiǵalıev (short-trek), Janbota Aldabergenova (frıstaıl - akrobatıka). Daýys berý merzimi 9 naýryz kúni 13:00-de aıaqtalyp, nátıjesinde Danııar Qaısanov kósh bastady. Ekinshi jáne úshinshi orynda Tamerlan Shadkýaev pen Abzal Ájiǵalıev bólisken.
