Aqpan aıyndaǵy ınflıatsııa 0,9 paıyzdy qurady - Statıstıka
ASTANA. Naýryzdyń 1-i. QazAqparat /Qanat Mámetqazyuly/ - Elimizde 2010 jylǵy aqpan aıyndaǵy ınflıatsııa deńgeıi 0,9 pıyzdy qurady.
Bul týraly QazAqparat QR Statıstıka agenttiginiń baspasóz qyzmetine silteme jasap habarlaıdy.
«Baǵa azyq-túlik taýarlaryna ótken aıda 1,3 paıyzǵa, azyq-túlik emes taýarlarǵa - 0,4 paıyzǵa, aqyly qyzmet kórsetýlerge - 0,7 paıyzǵa ósti. Azyq-túlik taýarlary rynogynda ótken aıda baǵanyń ósýi jemis pen kókóniske 4,4 paıyzdy, qantqa - 2,5 paıyzdy, et jáne sút ónimderine - 1,6 paıyzdy, maı jáne mal maıyna - 1 paıyzdy, kofe, shaı jáne kakaoǵa - 0,8 paıyzdy, jumyrtqaǵa - 0,6 paıyzdy qurady. Al baǵanyń tómendeýi kúrishke 1,1 paıyz, unǵa - 0,6 paıyz, nanǵa - 0,3 paıyz, jarma jáne makaron ónimderine - 0,2 paıyz boıynsha tirkeldi», delingen baspasóz qyzmeti taratqan málimette. Sonymen birge, agenttik derekterine qaraǵanda, baǵa farmatsevtıkalyq ónimderge 1,5 paıyz, jeke gıgıena taýarlaryna - 0,7 paıyz, kıim men aıaq kıimge, jýý jáne tazalaý quraldaryna - 0,4 paıyzǵa ósken, al tsementke 1,2 paıyzǵa tómendegen.
Budan bólek, kólik qyzmeti 1 paıyz, mektepke deıingi bilim berý jáne densaýlyq saqtaý - 0,7 paıyzǵa, jeke qyzmet kórsetý - 0,6 paıyz, mádenıet - 0,3 paıyzǵa qymbattady.
Turǵyn úı kommýnaldyq qyzmet kórsetýler salasynda tarıfter ortalyqtan jylytýǵa 0,3 paıyz, ystyq sýǵa - 1,1 paıyz , elektr energııasyna - 2,3 paıyzǵa ósken, al káriz jáne sýyq sýǵa 0,2 paıyzǵa tómendegen.
