Aqpan aıyndaǵy ınflıatsııa 0,4 paıyzdy qurady
ASTANA. QazAqparat - Ótken aqpan aıynda Qazaqstanda ınflıatsııa deńgeıi 0,4 paıyzdy qurady. Baǵa aqyly qyzmetterge ótken aıda 1,3 paıyz, azyq-túlik taýarlaryna - 0,2 paıyzǵa ósti, azyq-túlik emes taýarlaryna 0,5 paıyzǵa tómendedi. Bul týraly QR Ulttyq ekonomıka mınıstrligi Statıstıka komıtetiniń baspasóz qyzmetinen habarlandy.
Ótken aıda baǵa ósimi jańa jınalǵan kókónisterge 3 paıyz, pasterlengen sútke - 1,4 paıyz, jańa jınalǵan jemisterge - 1,1 paıyz, shoshqa etine - 0,9 paıyzǵa, makaron ónimderine, shaıǵa, alkogoldi ishimdikterge - 0,8 paıyzǵa ósti, sondaı-aq qyshqyl sút ónimderine - 0,7 paıyzǵa, balyq konservilerine 0,6 paıyzǵa, toqash jáne unnan daıyndalatyn kondıter ónimderine - 0,5 paıyz, súzbege - 0,4 paıyz, kondıter ónimderine - 0,3 paıyzǵa ósýi belgilendi. Sonymen bir mezgilde baǵanyń tómendeýi qantqa - 4 paıyzdy, qus etine - 1,9 paıyz, jumyrtqaǵa - 1,8 paıyz, kartopqa - 1 paıyz, untaq jarmaǵa - 0,5 paıyzǵa, birinshi sortty bıdaı unyna, suly jarmaǵa, qoı etine, kúnbaǵys maıyna - 0,4 paıyz, kúrishke, sıyr etine - 0,3 paıyzdan tirkeldi. «Baǵa ósimi farmatsevtıkalyq ónimderge 2,3 paıyz, jeke paıdalanýǵa arnalǵan taýarlarǵa - 0,5 paıyz, kıim jáne aıaq kıimge - 0,4 paıyz, jýǵysh jáne tazalaǵysh quraldarǵa - 0,3 paıyzdy qurady. Baǵa deńgeıi densaýlyq saqtaý qyzmetterine 1,3 paıyz, mektepke deıingi bilim berýge - 0,9 paıyz, qonaq úıge - 0,4 paıyzǵa ósti jáne kabeldik televızııa qyzmetterine 47,5 paıyzǵa joǵary boldy. Budan bólek, alys qashyqtyqqa qatynaıtyn jolaýshylardyń temir jol kóligine jol júrý aqysy 5,6 paıyzǵa qymbattap, áýe kóligi - 1,8 paıyzǵa arzandaǵan. Turǵyn úı-kommýnaldyq qyzmetter salasynda tarıfter elektr energııaǵa 6,3 paıyzǵa, kárizge - 1,1 paıyz, sýyq sýǵa - 1 paıyz, ystyq sýǵa, turǵyn úıdi kútip ustaýǵa - 0,6 paıyzdan ósti», - delingen baspasóz baıanynda.
