Aqpan aıynda Qyzylorda oblysynda koronavırýsqa qarsy vaktsına egý bastalady
QYZYLORDA. QazAqparat - Qyzylorda oblysynda aqpan aıynan bastap koronavırýs ınfektsııasyna qarsy ekpe salynady, dep habarlaıdy QazAqparat tilshisi.
Óńirge reseılik «Spýtnık V» vaktsınasynyń 80 myń dozasy kezeń-kezeńimen jetkiziledi. Búginde oǵan daıyndyq jumystary júrýde.
«Birinshi kezekte erikti túrde medıtsına qyzmetkerlerine, pedagogterge, sozylmaly aýrýlary bar toptaǵy adamdarǵa salynady. 18 jasqa deıingi balalar jáne 65 jastan asqan qarııalarǵa ekpe salynbaıdy. Búginde oblys boıynsha 154 egý kabıneti belgilendi. Budan bólek, shalǵaı eldi mekende turatyn azamattarǵa vaktsına salý úshin 64 jyljymaly egý brıgadasy uıymdastyryldy. Vaktsına bir adamǵa eki márte salynady. ıAǵnı birinshi ekpe qabyldanǵannan keıin 21 kúnnen keıin qaıta egiledi», - dedi oblystyq Densaýlyq saqtaý basqarmasynyń basshysy Sábıt Pazılov.
Ekpe salý erikti túrde júrgiziledi. Sondyqtan oǵan úrke qaraýdyń eshbir negiz joq.
«Burynǵy jyldarda da mundaı aýrýlarǵa qatysty túrli ekpe jasalyp keldi. Sol arqyly olardyń keń taraýyna jol bergen joqpyz. Sondyqtan túsinistikpen qaraǵan jón. Taǵy bir eskertetini vaktsına jalpylamaı salynbaıdy. Erikti túrde júzege asyrylady», - dedi oblys boıynsha sanıtarııalyq-epıdemıologııalyq baqylaý departamenti basshysynyń orynbasary Álııa Ábdiqaıymova.
Qazir oblys «jasyl» aımaqta. Epıdemıologııalyq ahýal turaqty. Kúrdelengen jaǵdaıda 8 statsıonar, 61 alǵashqy medıtsınalyq-sanıtarlyq mekeme jumyldyrylatyn bolady. Oǵan qosa 54 fıltr kabıneti, qosymsha 79 telefon shaqyrýlar men konsýltatsııalar úshin jumys isteıdi. Sondaı-aq, úı jaǵdaıynda qyzmet kórsetý úshin qosymsha 81 avtokólik qarastyrylǵan.
Esterińizge sala ketelik, Qyzylorda emdeý oryndarynda koronavırýspen kúreste nátıjeli jumystar atqaryldy.
