Aqpan aıynda kúnkóristiń eń tómengi deńgeıi 22 219 teńgeni qurady
ASTANA. QazAqparat - 2017 jylǵy aqpanda kúnkóristiń eń tómengi deńgeıi 22 219 teńgeni qurady, dep habarlaıdy elimizdiń Ulttyq ekonomıka mınıstrligi.
Mınıstrliktiń saıtynda jarııa etilgen málimetterge qaraǵanda, negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2017 jylǵy aqpanda ótken aımen salystyrǵanda 1,8%-ǵa joǵarylady.
Onyń qurylymynda et pen balyqty satyp alýǵa jumsalǵan shyǵystardyń úlesi 21,2%, sút, maı jáne toń maı ónimderi men jumyrtqany - 17,6%, jemister men kókónisterdi - 10%, nan jáne jarma ónimderin - 8,6%, qant, shaı jáne dámdeýishterdi - 2,6%-dy qurady.
