Aqpan aıynda kúnkóristiń eń tómengi deńgeıi 12 myń 438 teńgeni qurady- Statıstıka
ASTANA. Naýryzdyń 1-i. QazAqparat /Qanat Mámetqazyuly/ - 2010 jylǵy aqpan aıynda elimizdegi eń tómengi kúnkóris deńgeıi 12 myń 438 teńgeni qurady.
Bul týraly QazAqparat QR Statıstıka agenttiginiń baspasóz qyzmetine silteme jasap habarlaıdy.
Agenttik málimetterine qaraǵanda, negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2010 jylǵy aqpanda ótken aımen salystyrǵanda 2,4 paıyzǵa, 2009 jylǵy aqpanmen salystyrǵanda - 1,6 paıyzǵa ósken. Bunyń qurylymynda et pen balyqty satyp alýǵa jumsalǵan shyǵystardyń úlesi 20,1 paıyz, sút, maı-toń maı ónimderi men jumyrtqa - 17,2 paıyz, jemister men kókónisterdi - 10,4 paıyz, nan jáne jarma ónimderin - 9,4 paıyz, qant, shaı jáne dámdeýishterdi - 2,9 paıyzdy quraǵan.
